گه‌ڕان

Shadow Shadow
سیاسه‌تی

تەقەکەرەکە پاسەوانى بووە؟

یەکەم لێدوانى شاباز زەمانى لەسەر رووداوى تەقەکردنەکەى کافتریاکە

2022.02.10 - 14:06
App store icon Play store icon Play store icon
یەکەم لێدوانى شاباز زەمانى لەسەر رووداوى تەقەکردنەکەى کافتریاکە

ناس کورد-

 

بەڕێوەبەرى کارەکانى گۆرانیبێژ شاباز زەمانى رایگەیاند، ئەو کەسەى لەلایەن پۆلیسەوە دەستگیرکراوە بەتۆمەتى تەقەکردن لەکافتریاى رێحانە لەسلێمانى پاسەوانى شاباز نییە، سەرچاوەیەکیش لە پۆلیس دەڵێت تەقەکەرەکە خۆى بەپاسەوانى گۆرانیبێژێک ناساندووە.

کەناڵی ناس کورد لە تێلیگرام جۆین بکە   

 

شاڵاو مولەر بەڕێوەبەرى کارەکانى گۆرانیبێژ شاباز زەمانى بە "ناس کورد" ى وت "ئێمە ئەو دوو کەسە دەناسین کە شەوى رابردوو بوو بەشەڕیان، بەڵام هیچ پەیوەندییەکیان بە ستافى شاباز زەمانییەوە نییە".

 

وتیشى "تەقەکەرەکە پاسەوانى شاباز نەبووە، شەڕەکە 11:43 خولەکى شەو روویداوە، بەڵام شاباز تا دواى کاتژمێر 12 گۆرانى وتووە".

 

شاڵاو مولەر باسى لەوەشکرد، ئەمڕۆ لەگەڵ شاباز زەمانى سەردانى بریندارەکەیان کردووە لە نەخۆشخانە.

 

چۆن لایڤ میوزیکى گۆرانیبێژێک لە سلێمانى گۆڕا بۆ شەڕ و تەقەکردن؟

 

"ناس کورد"، پەیوەندى بە سەرکەوت ئەحمەد وتەبێژى پۆلیسى سلێمانییەوە کرد، تەنها وتى "ئێمە ناوى کەسمان نەهێناوە و کەسێک لەسەر رووداوەکە دەستگیرکراوە".

 

بەڵام سەرچاوەیەک لە پۆلیس وتى کە تەقەکەرەکە لەلاى پۆلیس خۆى بە پاسەوانى گۆرانیبێژێک ناساندووە.

 

بەپێی راگەیەنراوێکى پۆلیسى سلێمانى، ئەو کەسەى دەستگیرکراوە ناوى (ه ، م ، ح) و تەمەنى 25 ساڵە، به‌بڕیارى دادوه‌ر ڕاگیراوه‌و دواى پشكنینى شوێنى نیشته‌جێبوونى ده‌ستگیرا به‌سه‌ر دوو چه‌كى تر له‌ جۆرى ده‌مانچه‌، جگە لەو دەمانچەیەى تەقەى پێکردووە.