گه‌ڕان

Shadow Shadow
سیاسه‌تی

زانیارى زیاتر

60 فڕۆکە و 80 ئامانج..تورکیا وردەکاریی هێرشەکانى لەشنگال ئاشکراکرد

2022.02.02 - 17:31
App store icon Play store icon Play store icon
60 فڕۆکە و 80 ئامانج..تورکیا وردەکاریی هێرشەکانى لەشنگال ئاشکراکرد

ناس کورد-

 

وەزارەتى بەرگرى تورکیا رایگەیاند، لە میانی ئۆپەراسیۆنی هەڵۆی زستاندا لە ناوچەکانی کاراجاک، شنگال و دەریک ٨٠ ئامانج بۆردومان کران.

کەناڵی ناس کورد لە تێلیگرام جۆین بکە   

 

ئاژانسى ئەنادۆڵى فەرمى تورکیا بڵاویکردەوە،  بەگوێرەی ئەو زانیارییانەی کە لە وەزارەتی بەرگریی تورکیاوە وەرگیراون لە میانی ئۆپەراسیۆنی "هەڵۆی زستان"دا لە باکووری سووریا و عێراق، چەندین حەشارگە، ئەشکەوت، تونێل، عەمباری چەک و تەقەمەنی و بەناو بنکە و کەمپی مەشق و راهێنان خاپوور کراون.

 

ئاماژە بەوەشکراوە، هاوشێوەی ئۆپەراسیۆنەکانی پێشوو ئەم ئۆپەراسیۆنەش بەشێوەیەکی زۆر هەستیار ئەنجامدراوە و تەنها چەکدارەکان و حەشارگەکانیان کراونەتە ئامانج.

 

بەپێی ئاژانسەکە، لە ئۆپەراسیۆنەکەدا، نزیکەی ٦٠ فڕۆکەی جەنگیی، فڕۆکەی چاودێریی، فڕۆکەی بێفڕۆکەوان و فڕۆکەی بێفڕۆکەوانی چەکدار، بەکارهێندراون و ئامانجەکان لە قوڵایی ١٦٥ کیلۆمەتر لە شارۆچکەی کاراجاک، ٨٥ کیلۆمەتر لە شارۆچکەی شنگال و نۆ کیلۆمەتر لە شارۆچکەی دەریک بۆردومان کراون.

 

ئامانجەکانیش نزیکەی ٨٠ خاڵ بوون لە سێ ناوچەی جیاوازدا و بەهۆی بۆردومانکردنی عەمبارەکانی چەک و تەقەمەنیشەوە چەند تەقینەوەیەک لە ناوچەکەدا روویدا، هەروەها بینایەکیش کرایە ئامانج کە بەناو بەرپرسانی رێکخراوەکە تیایدا کۆبووبوونەوە، ئەوەش بەپێی ئاژانسەکە.