گه‌ڕان

Shadow Shadow
سیاسه‌تی

نوێ

ناس ناوەڕۆکی کۆبوونەوەکەی سەدر و بارزانی و حەلبوسی ئاشکرا دەکات

2022.01.31 - 15:06
App store icon Play store icon Play store icon
ناس ناوەڕۆکی کۆبوونەوەکەی سەدر و بارزانی و حەلبوسی ئاشکرا دەکات

ناس کورد- 

بەگوێرەی سەرچاوە ئاگادارەکان، لە کۆبوونەوەکەی ئەمڕۆی حەنانەدا، موقتەدا سەدر جەختی لەسەر هەڵوێستەکانی پێشووی کردووەتەوە و پێشنیازەکانی بارزانیشی ڕەتکردووەتەوە و ڕازی نەبووە مالیکی لە حکومەت بەشداری پێبکات.

کەناڵی ناس کورد لە تێلیگرام جۆین بکە   

 

سەرچاوەیەکی ڕۆژنامەوانی (دووشەممە 31-1-2022) بە "ناس کورد"ی راگەیاند، لە کۆبوونەوەکەی ئەمڕۆدا لە نەجەف لەگەڵ نێچیرڤان بارزانی و محەمەد حەلبوسی، موقتەدا سەدڕ جەختی لە هەڵوێستەکانی پێشووی لەبارەی پێکهێنانی حکومەتی نوێ کردووەتەوە و پێشوازی لە سەرجەم لایەنەکان کردووە بۆ بەشداریکردن لە حکومەت، جگە لە مالیکی.

 

ئاماژەی بەوەشکرد، زیاتر هەوڵەکان بۆ ئەوە بووە پۆستێک بە نوری مالیکی بدرێت و قسەوباسەکان لەسەر ئەوەن کە پۆستی جێگری سەرۆک کۆماری پێبدرێت.

 

هاوکات، ڕۆژنامەنوس، هیشام عەل بڵاویکردەوە کە پێشنیازەکەی بارزانی بریتی بووە لە پێدانی پێنج وەزارەت بە چوارچێوەی هەماهەنگیی شیعە لەگەڵ پۆستەکانی جێگری سەرۆک وەزیران و جێگری سەرۆک کۆمار. 

 

بەڵام دوای دیدارەکە وەک هەموو جارەکانی دیکە، بە قەڵەمی سور پەیامیکی بڵاوکردەوە و ڕایگەیاند،  سورن لەسەر پێکهێنانى حکومەتى زۆرینە و پێشوازى دەکەن لە گفتوگۆ لەگەڵ ئۆپۆزسیۆنى نیشتیمانى.