گه‌ڕان

Shadow Shadow
سیاسه‌تی

نەوەی نوێ هەڵوێستی خۆی لەبارەی پۆستی سەرۆككۆمار ئاشكرا كرد

2022.01.29 - 11:56
App store icon Play store icon Play store icon
نەوەی نوێ هەڵوێستی خۆی لەبارەی پۆستی سەرۆككۆمار ئاشكرا كرد

ناس كورد-

شاسوار عەبدولواحید، سەرۆکی جوڵانەوەی نەوەی نوێ هەڵوێستی جوڵانەوەكەی لەبارەی پۆستی سەرۆككۆمار ئاشكرا كرد و ڕایگەیاند، 10 خاڵیان هەیە وەک مەرج، ”ئەگەر حزبەكانی دەسەڵات جێبەجێیان كرد، ئامادەین دەنگ بە یەكێكیان بدەین و كاندیدی خۆمان بكشێنینەوە.”

کەناڵی ناس کورد لە تێلیگرام جۆین بکە   

 

شاسوار عەبدولواحید لە کۆنگرەیەکی ڕۆژنامەوانیدا (29-1-2022) هەموو ئەو مەرجانەی ئاشکرا کرد کە دیارییان کردووە بەرامبەر كشانه‌وه‌ی‌ كاندیده‌كه‌یان و ده‌نگدان به‌كاندیدی‌ پارتی‌‌ یاخود یه‌كێتی‌ بۆ پۆستی سەرۆککۆمار.

 

وتیشی، پێویستە پارتی‌‌ و یه‌كێتی‌ پێش وادەی هه‌ڵبژاردنی‌ سه‌رۆككۆمار له‌ناو په‌رله‌مانی‌ عێراقدا کە ڕۆژی 7ی شوباتی 2022ـە، هەموو مەرجەکان جێبەجێ بکەن کە ئەمانە بەشێکن؛

1- هەرزانکردنی نرخی غاز بۆ هاوڵاتیان.
2- لابردنی باج لەسەر هاوڵاتیان و دوکاندار و کۆمپانیاکان.
3- دروستکردنی ژمارەی بانکی بۆ مووچە خۆران و مانگانە گەڕانەوەی بەشێک لەو مووچەیەی بۆیان پاشەکەوت کراوە لەڕێی ئەو هەژمارە بانکییەوە.
4- پلەبەرزکردنەوە ی فەرمانبەران دەستپێبکاتەوە.
5- چارەسەرکردنی ماددەی ١٤٠ و ناوچە دابڕێنراوەکان و زامنکردنی بەشە بودجەی هەرێم.
6- دابینکردنی دەرماڵەی خوێندکارانی زانکۆ و پەیمانگاکان.
7- دامەزراندنی دەرچوانی زانکۆ و پەیمانگاکان وبە هەمیشەیی کردنی گرێبەستەکان.
8- موچەی خانشینان هەموو مانگێک بێت و کارتی بانکییان بۆ دابینبکرێت و لەڕێی ئەو کارتەوە مووچەکانیان وەربگرن.
9- ئەنجامدانی هەڵبژاردنەکانی پەرلەمانی کوردستان لەوادەی دیاریکراوی خۆیدا.
10- هەموارکردنەوەی یاسای هەڵبژاردن و ئەندامانی کۆمسیاران بێلایەن بن.