گه‌ڕان

Shadow Shadow
سیاسه‌تی

لە هەندێک ناوچە بەفر و تەرزەش دەبارێت

بارانی بە لێزمە لە شارەکانی هەرێم دەستپێدەکاتەوە

2019.03.13 - 10:56
بارانی بە لێزمە لە شارەکانی هەرێم دەستپێدەکاتەوە

 

ناس کورد-

 

لە سبەینێوە بارانی بە لێزمە لە شارەکانی هەرێمی کوردستان دەستپێدەکاتەوە و پلەکانی گەرما دادەبەزن، لە ناوچە شاخاوییە بەرزەکانیش ئەگەری بەفر بارین هەیە، ئەوەش بەپێی کەشناسی هەرێم.

 

بەرێوەبەرایەتی گشتی کەشناسی و بومەلەرزەزانی هەرێمی کوردستان پێشبینییەکانی کەشوهەوای ئەمڕۆ و سبەینێی شارەکانی هەرێمی بڵاوکردەوە.

بەپێی پێشبینییەکان، ئەمڕۆ ئاسمانی شارەکانی هەرێم نیمچە هەور دەبێت و ئەگەری بارانبارین نییە، بەڵام لە سبەینێوە شەپۆلی باران دەستپێدەکات.

بەپێی کەشناسی، سبەى لە کاتى بارانباریندا ئەگەرى هەورە تریشقە و تەزرەش هەیە، هەروەها  پلەکانى گەرما نزیکەى (5-7) پلە نزم دەبنەوە و لە ناوچە شاخاوییە بەرزەکانش ئەگەرى بەفربارین هەیە.

 

 هاوکات لەیس ئەلهیتی شارەزای کەشناسی عێراقی ڕایدەگەیەنێت، لە سبەینێوە زۆرینەی پارێزگاكانی عێران كەشوهەوایان ناجێگیر دەبێت، ئاماژە بۆ ئەوەش دەکات لە ناوچەكانی ڕۆژهەڵات و باكوری عێراق و هەندی ناوچەی ناوەڕاست و باشور،  با و زریانی  بەهێز و بارانی بە خوڕ دەبێت ، بەڵام پاڵەپەستۆكە كەمترین گاریگەری دەبێت لە ڕۆژئاوای عێراق.

ئەو شارەزایەی کەشناسی هاوڵاتیان ئاگادار دەکاتەوە لە بەهێزی ڕەشەبا و ئەگەری دابارینی تەرزە لە ناوچەكانی دیالە و سلێمانی تا دەگاتە كەركوك و هەولێر .

 

No photo description available.

No photo description available.