گه‌ڕان

Shadow Shadow
سیاسه‌تی

’’بەڵگەم خستەڕوو’’

عەلی حەمەساڵح: لە دادگا دۆسیەی قاچاخی باشماخم بردەوە

2022.01.26 - 13:51
App store icon Play store icon Play store icon
عەلی حەمەساڵح: لە دادگا دۆسیەی قاچاخی باشماخم بردەوە

ناس کورد-

عەلی حەمەساڵح، ئەندامی پەرلەمانی کوردستان ڕایگەیاند، بەڵگەی تەواوی خستووەتەڕوو و "لە دادگای پێنجوێن دۆسیەی قاچاخی باشماخم بردەوە."

کەناڵی ناس کورد لە تێلیگرام جۆین بکە   

 

عەلی حەمەساڵح لە ڕوونکردنەوەیەکدا (26-1-2022) دەڵێت، "بەڕێوبەرایەتی كۆمەڵگای باشماخ سکاڵای لەسەرمان تۆمارکرد کە گوایە لەسەر دۆسیەی قاچاخی زانیاری ناڕاستمان بڵاوکردوەتەوە."

 

دەشڵێت، بۆیە "لە 14-12-2020 دادوەر نوسراوی بۆ پەرلەمان کرد بۆ ئەوەی پارێزبەندیمان لێوەربگیرێتەوە، خۆمان داوامان لە سەرۆکی پەرلەمان کرد پارێزبەندیمان لێوەربگرێتەوەو دەچینە بەردەم دادگا".


جەختی کردووەتەوە کە لە بەردەم دادوەر ئامادەبووە و بەڵگەی پێویستی خستووەتەڕوو؛ "ڤیدیۆ و وێنەی 38 بارھەڵگرمان خستەڕوو کە ژمارەی بارھەڵگرەکان دەرچوو بوون، دوای ئەوەی لە سیستمی گومرگی لێکۆڵینەوە کرا، 36 بارھەڵگریان گومرگیان نەداوە، واتە بە قاچاخ داخڵبوون."


دەشڵێت، "لە دوای ساڵێک، دادوەر وتەکانی ئێمەی بەڕاست زانی، من بە بەڵگەوە وتەکانم سەلماند و بێتاوان دەرچوم."

 

عەلی حەمەساڵح دەشڵێت، بەڵگەی پێویستی خستەڕوو لەسەر بوونی دیارەی قاچاخ، ئەمەش ڕاستی قسەکانی عەلی حەمە ساڵح دەردەخت لەسەر قاچاخ کردوونی.


"ئێستا لە ڕێگای داواکاری گشتی و بەبەڵگەی یاسایی ئەوانەی قاچاخی و پشتیان دەدرێنە دادگا".