گه‌ڕان

Shadow Shadow
سیاسه‌تی

زانیاریی زیاتر

هۆشداری یەکێتی لەبارەی هەوڵی پارتی بۆ سەرۆککۆماریی: کاریگەری لەسەر ناوخۆش دەبێت

2022.01.24 - 21:54
App store icon Play store icon Play store icon
هۆشداری یەکێتی لەبارەی هەوڵی پارتی بۆ سەرۆککۆماریی: کاریگەری لەسەر ناوخۆش دەبێت

ناس کورد-

ئەندامێکی مەکتەبی سیاسیی یەکێتیی نیشتیمانیی کوردستان ڕایگەیاند، ناکۆکی نێوان یەکێتی و پارتی لەسەر پۆستی سەرۆک کۆماری عێراق، کاریگەری لەسەر ناوخۆی هەرێمی کوردستانیش دەبێت، جەخت لەسەرئەوەشدەکاتەوە پارتی یەکێتی جێهێشتووە و چووەتە ڕێککەوتنەوە لەگەڵ سونە و ڕەوتی سەدر.

کەناڵی ناس کورد لە تێلیگرام جۆین بکە   

 

پۆڵا تاڵەبانی لە چاوپێکەوتنێکدا لەگەڵ دەنگی ئەمریکا (24-1-2022) دەڵێت، "پارتی بۆ بیانوو و چاوبەستن، مەسەلەی کاندید نەکردنی دکتۆر بەرهەم ساڵەحی وروژاندووە، ئەگینا بەجدی کاردەکات بۆ بردنی سەرۆک کۆمار، دیاریکردنی کاندید بۆ ئەو پۆستە لەلایەن پارتیەوە، واتای هەوڵدانە بۆ بردنی، لەکاتێکدا ئەمە پێچەوانەی ڕێککەوتنی نێوانمانە."

 

جەختیشیکردەوە "وەکو یەکێتی هەر هەنگاوێک دەگرنە بەر کە پێویست بکات، گەر پارتی جدی بێت لەبردنی سەرۆک کۆمار."

 

مەکتەب سیاسیەکەی یەکێتی ڕوونیکردەوە، ناکۆکی نێوان یەکێتی و پارتی لەسەر پۆستی سەرۆک کۆمار کاریگەری لەسەر ناوخۆی هەرێمیش دەبێت، وتی"ناکرێت لێرە باسی یەکڕیزی بکرێت، کەچی لەبەغدا ڕێککەوتنی ژێر بە ژێر ئەنجام بدریت، بێگومان ئەو ڕێککەوتنە کەلێنی گەورە لەنێو ماڵی کورد دروست دەکات."

 

بەرپرسانی پارتی دیموکراتی کوردستان یەکێتی بەچوونە بەرەی چوارچێوەی هەماهەنگی شیعە و دیدگا ناڕوونی تۆمەتبار دەکەن، بەڵام پۆڵا تاڵەبانی وتی"دیدگامان ڕوونبوو، هەوڵەکانمان بۆ ئەوەبوو پۆستی سەرۆک کۆمار لەناو ماڵی کورد یەکلایی بکرێتەوە و لەسەر کاندیدێک ڕێکبکەوین کاندیدی هەموو لایەنەکان بێت، پارتی لەو مەسەلە کشایەوە و لەپشت پەردەوە ڕێککەوتنی کرد، ئێمە نەمانتوانی ببینە بەشێک لەو ڕێککەوتنە، چونکە دژی بەرژەوەندیەکانی خەڵکی کوردستان بوو، ناکرێت بۆ پۆستێک بچیت لەگەڵ چەند لایەنێک ڕێکبکەویت لەسەر حسابی بەرژەوەندیەکانی خەڵک."

 

وتیشی، "نەدەبوو پارتی مافی دیاریکردنی کاندید بۆ پۆستی سەرۆک کۆمار بداتە خۆی، یاخود بڵێت فڵان کاندید بێت و فڵان کاندید نەبێت."

 

پۆڵا تاڵەبانی ئاماژەی بەوەشکرد، پۆستی پارێزگاری کەرکوک بەهەموو پێوەرە مێژووییەکان، بەپێوەری پێگەی جەماوەری، مافی حیزبەکەیەتی.