گه‌ڕان

Shadow Shadow
سیاسه‌تی

بەڕێوەبەرایەتییەکى هەولێر دەرگاى دامەزراندنى کردەوە

2022.01.23 - 22:29
App store icon Play store icon Play store icon
بەڕێوەبەرایەتییەکى هەولێر دەرگاى دامەزراندنى کردەوە

ناس کورد-

 

بەڕێوەبەرایەتی گشتی چاودێری و گەشەپێدانی کۆمەڵایەتی هەولێر دەرگاى دامەزراندنى حەوت کەسى بەشێوەى گرێبەست کردەوە.

کەناڵی ناس کورد لە تێلیگرام جۆین بکە   

 

بەپێی ئاگادارییەکى بەرێوەبەرایەتییەکە، هەر کەسێک ئارەزوومەندە، پێویستە سیڤی پێشکەش بە دیوانی بەڕێوەبەرایەتی گشتی بکات و ماوەی پێشکەش کردنی سیڤی لە سبەی، ڕۆژی دووشەممە بەرواری 24ی 1ی 2022 تاکو پێنجشەمە بەرواری، 27ی 1ی 2022  دەبێت.

 

دەقى ئاگادارییەکە:

 

لە سەر پێشنیاری وەزارەتی کار و کاروباری کۆمەڵایەتی و وەزارەتی تەندروستی، ئەنجومەنی وەزیران بڕیاری کردنەوەی سێ نەخۆشخانەی دەروونی بۆ ئافرەتان لە هەولێر، سلێمانی و دهۆک داوە و بۆ بەڕێوەبەرایەتی گشتیمان ڕەزامەندی دراوە بە دامەزراندنی شەش(٦)چاودێرو یەك(١) كارگوزار بەشێوەی گرێبەست بۆ ئەو نەخۆشخانەیەی لە هەولێر دەکرێتەوە.

 

هەر کەسێک ئارەزوومەندە ، پێویستە سیڤی پێشکەش بە دیوانی بەڕێوەبەرایەتی گشتیمان بکات و ماوەی پێشکەش کردنی سیڤی لە سبەی، ڕۆژی دووشەممە بەرواری 24ی 1ی 2022 تاکو پێنجشەمە بەرواری، 27ی 1ی 2022  دەبێت.

 

ئەو بەڕێزانەی ئارەزوومەندن دەبێت لە ڕەگەزی مێ بن و پێویستە دانیشتووی هەولێر گەڕەکی ڕوناکی و دەوروبەری بن، چونكە ئەو شوێنەی لێی دادەمەزرێن لە ناو گەرەکی ڕوناکی دەبێت.

 

ڕاگەیاندنی بەڕێوەبەرایەتی گشتی چاودێری و گەشەپێدانی کۆمەڵایەتی هەولێر

23ی 1ی 2022