گه‌ڕان

Shadow Shadow
سیاسه‌تی

کەشوهەوا

بیست ڕێنمایی گرنگ بۆ شۆفێران له‌كاتی كه‌شی به‌فر‌ و به‌سته‌ڵه‌كدا

2022.01.18 - 14:01
App store icon Play store icon Play store icon
بیست ڕێنمایی گرنگ بۆ شۆفێران له‌كاتی كه‌شی به‌فر‌ و به‌سته‌ڵه‌كدا

ناس کورد-

فوئاد جه‌لال، ڕێپێدراوی هاتوچۆ لە بەڕێوەبەرایەتی هاتوچۆی سلێمانی 20 ڕێنمایی گرنگی بۆ شۆفێران بڵاوکردەوە له‌كاتی كه‌شی به‌فر‌و به‌سته‌ڵه‌كدا.

کەناڵی ناس کورد لە تێلیگرام جۆین بکە   

 

1- تا ده‌توانی ئۆتۆمبێل مه‌جوڵێنه‌‌ و له‌ماڵه‌وه‌ بمێنه‌ره‌وه‌.

2- به‌فر‌و به‌سته‌ڵه‌ك له‌سه‌ر ئۆتۆمبێله‌كه‌دا بماڵه‌‌ و لای ببه‌.


3- له‌سه‌رخۆ بڕۆ‌ و به‌خێرایی شۆفێری مه‌كه‌.

4- خۆت سه‌رقاڵ مه‌كه‌ له‌كاتی شۆفێریكردندا‌ و وریای ڕه‌وشی شه‌قام‌و ڕێگه‌كه‌به‌.

5- ئه‌گه‌ر ئۆتۆمبێله‌كه‌ت ده‌بڵ ئه‌كسل بوو، له‌كاتی پێویستدا به‌كاری بهێنه‌.


6- پێویسته‌ تانكی به‌نزینه‌كه‌ت پڕ بێت.


7- تازه‌ شۆفێر‌و بێ ئه‌زموونه‌كانی بنه‌ماڵه‌كه‌ت فێر بكه‌، چۆن شۆفێری بكه‌ن له‌كاتی به‌فر‌و به‌سته‌ڵه‌كدا.


8- له‌ شه‌قام‌ و ڕێگه‌وبانه‌كان ئاگاداری ئاژه‌ڵی كێوی به‌.

 

9- "كروز كۆنترۆڵ"ی سوكانه‌كه‌ت به‌كارمه‌هێنه‌.

 

10- دڵنیابه‌ له‌ باشی فڵچه‌ی جامه‌كان.


11- ده‌به‌ی ئاوی فڵچه‌كان پڕكه‌ له‌ئاو.


12- پێویسته‌ تایه‌ی سپێرت پێ بێت‌و پربێت له‌هه‌وا.


13- لایته‌كانت خاوێن بكه‌ره‌وه‌‌و ئاماده‌یكه‌ بۆ كاتی پێویست.


14- دڵنیابه‌ره‌وه‌ تایه‌كانت كه‌م هه‌وا نین.


15- پێویسته‌ پێداویستی فریاكه‌وتنی سه‌ره‌تایی له‌ئۆتۆمبێله‌كدا بێت.


16- زۆر گرنگه‌ جه‌ك‌ و پێداویستی گۆڕینی تایه‌كانت پێ بێت.


17- پێویسته‌ ئه‌نتی فرێز له‌ئاوی ڕادێته‌ره‌كه‌تدا هه‌بێت.


18- له‌ناوچه‌ شاخاوییه‌كاندا "زنجیر" بۆ تایه‌كانت به‌كاربهێنه‌.

19- له‌سه‌ر به‌فر‌و به‌سته‌ڵه‌ك ئیستۆپ مه‌كه‌.

20- دڵنیا ببه‌ره‌وه‌ له‌مه‌رجی توندتۆڵی ئۆتۆمبێله‌كه‌ت به‌تایبه‌تی گه‌رمی ئۆتۆمبێله‌كه‌ت.