گه‌ڕان

Shadow Shadow
سیاسه‌تی

زانیاریی زیاتر

کۆبوونەوەى قائانی لەگەڵ سەدر و عامری لەگەڵ بارزانی ’’بێ ئەنجام بوون’’

2022.01.17 - 22:56
App store icon Play store icon Play store icon
کۆبوونەوەى قائانی لەگەڵ سەدر و عامری لەگەڵ بارزانی ’’بێ ئەنجام بوون’’

ناس کورد-

ڕۆژنامەی ئەلمەدا ئاشکرای کرد، ئیسماعیل قائانی، فەرماندەی فەیلەقی قودس نەجەفی بەجێهێشتووە "بەبێ هیچ ڕێککەوتنێک" لەگەڵ موقتەدا سەدر، ڕێبەری ڕەوتی سەدر.

کەناڵی ناس کورد لە تێلیگرام جۆین بکە   

 

زانیاریی ڕۆژنامەکە پشتی بە "چەند سەرچاوەیەکی ئاگادار" بەستووە (17-1-2022) و دەڵێت، چاوەڕێ دەکرێت قائانی جارێکی تر بگەڕێتەوە بۆ نەجەف و دووبارە لەگەڵ سەدردا دابنیشێتەوە، هەروەها چاوەڕێ دەکرێت سەردانی هەولێریش بکات بۆ بینینی مەسعود بارزانی، سەرۆک پارتی دیموکراتی کوردستان.

 

هەربەپێی زانیاریی ئەو سەرچاوانە، "سەدر هێشتا پێداگرە لەسەر تەواوکردنی پڕۆژەی (زۆرینەی نیشتمانی) و دورخستنەوەی نوری مالیکی، سەرۆکی دەوڵەتی یاسا و قەیس خزعەلی، ئەمینداری بزوتنەوەى عەسائیب."

 

ئەلمەدا جەخت دەکاتەوە کە کۆبوونەوەی هادی عامری لەگەڵ سەدر لە نەجەف و هەروەها سەردانەکەی بۆ هەولێر بۆ کۆبوونەوە لەگەڵ مەسعود بارزانی، هیچ ئەنجامێکی ئەوتۆی نەبووە و بارزانی پێداگری کردووە لەسەر ڕێککەوتنەکەی لەگەڵ ئەو لایەنانەی داوای "زۆرینەی نیشتمانی" دەکەن.

 

قائانی ئەمشەو لەگەڵ لایەنەکانی چوارچێوەی هەماهەنگی شیعی لە ماڵی حەیدەر عەبادی کۆبووەوە و کەمێک پێش ئێستا تەواو بوو.

 

زیاتر بخوێنەوە: نهێنییەكانی كۆبوونەوەی قائانی و سەركردە شیعەكان ئاشكرا كرا

زیاتر بخوێنەوە: ئاماجی هاتنی عامری بۆ هەولێر ئاشكرا دەكرێت

 

دوێنێ قائانی گەیشتە عێراق و لە نەجەف سەردانی گۆڕی محەمەد صادق سەدر و ئەبومەهدی موهەندیسی کرد، مەبەستیش لە سەردانەکە کۆبوونەوەیە لەگەڵ لایەنەکان بۆ دروستکردنی نزیکبوونەوە و لێکتێگەیشتن لەنێوانیان.