گه‌ڕان

Shadow Shadow
سیاسه‌تی

ژمارەیان 250 هەزارە

عێراق هەرێم بەهێنانی كرێكاری نایاسایی تۆمەتبار دەكات

2019.02.23 - 00:28
App store icon Play store icon Play store icon
عێراق هەرێم بەهێنانی كرێكاری نایاسایی تۆمەتبار دەكات

کەناڵی ناس کورد لە تێلیگرام جۆین بکە   

 

ناس كورد

ئه‌ندامێكی كۆمسیۆنی باڵای مافه‌كانی مرۆڤ لەعێراق رایگه‌یاند نزیكه‌ی 250 هه‌زار كرێكاری بیانی هاتوونه‌ته‌ ناو عێراق و زۆربه‌یان به‌ شێوه‌یه‌كی نایاسایی و به‌ قاچاغ هاتوون.

فاتن حەلفی ئه‌ندامی كۆمسیۆنه‌كه‌ ئاماژه‌ی به‌وه‌دا كه‌ هه‌ندێك له‌و كرێكارانه‌ به‌ شێوه‌یه‌كی نایاسایی و به‌قاچاغ له‌ هەرێمی كوردستانه‌وه‌ ره‌وانه‌ی پارێزگاكانی ناوه‌ڕاست و باشوور ده‌كرێن، وتیشی:"له‌ كۆی 250 هه‌زار كرێكاری بیانی ته‌نها 8 هه‌زاریان به‌ شێوه‌یه‌كی یاسایی هاتوون و ئه‌وانی تر به‌ ڕێگه‌ی قاچاغ هاتوون".

هاتنی ئه‌م ژماره‌ زۆره‌ی كرێكاری بیانی له‌ كاتێكدایه‌ كه‌ عێراق به‌ قه‌یرانێكی داراییدا تێپه‌ڕده‌بێت و شه‌پۆلێكی بێكاری ترسناك به‌رۆكی وڵاتی گرتووه.‌

دیارده‌ی هێنانی كرێكاری بیانی له‌م دواییانه‌دا له‌ عێراق په‌ره‌ی سه‌ندووە و زیاتر له‌و ماڵانه‌دا به‌دی ده‌كرێت كه‌ خاوه‌نی داهاتێكی زۆرن و ئاستی بژێویان زۆر باشه‌ یان ئه‌و خێزانانه‌ی كه‌ كه‌یبانوویان به‌ ڕاپه‌ڕاندنی كاره‌كانی ماڵدا راناگات و هه‌ندێك خێزان كه‌ منداڵی بچووك یان نه‌خۆشی سه‌رجێگه‌یان هه‌یه‌و پێویستیان به‌ كه‌سیكه‌ خزمه‌تیان بكات.