گه‌ڕان

Shadow Shadow
سیاسه‌تی

لێدوانێکی نوێ لەناو یەکێتییەوە لەبارەى کاندیدی سەرۆککۆمار

2022.01.09 - 11:22
App store icon Play store icon Play store icon
لێدوانێکی نوێ لەناو یەکێتییەوە لەبارەى کاندیدی سەرۆککۆمار

ناس کورد-

دیلان غەفو، کاندیدی دەرچووی یەکێتی ڕایگەیاند، چەند ناوێک پێشنیازکراوە بۆ کاندیدکردنیان بۆ پۆستی سەرۆککۆمار بەڵام "هێشتا هیچ کەسێک یەکلایی نەبووەتەوە."

کەناڵی ناس کورد لە تێلیگرام جۆین بکە   

 

دیلان غەفور بە ئاژانسی فەرمیی "عێراقییە"ی (9-1-2022) ڕاگەیاند، "یەکێتی تائێستا بڕیاری نەداوە کە دەنگ بە سەرۆکایەتی پەرلەمان دەدات یاخود نا، بەڵام لەگەڵ پارتی ڕێککەوتووین و پێکەوە بە لیژنەیەکی هاوبەش سەردانی بەغدامان کردووە، بەڵام هێشتا بابەتەکان یەکلایی نەبوونەتەوە."

 

هاوکات بەیانی ئەمڕۆ، بافڵ تاڵەبانی، هاوسەرۆکی یەکێتیی نیشتمانیی کوردستان لە بەغدا سەردانی بەرهەم ساڵح، سەرۆککۆماری عێراقی کرد و کۆبوونەوە.

 

شەوی ڕابردوو بافڵ تاڵەبانی گەیشتە بەغدا، ئەمڕۆش یەکەم دانیشتنی پەرلەمانی عێراق بەڕێوەدەچێت بۆ هەڵبژاردنی سەرۆکی پەرلەمان کە محەمەد حەلبوسی کاندیدی سەرەکییە.

 

هێشتا کاندیدەکانی سەرۆککۆمار کە یەکێتی بە پشکی خۆی دەزانێت دیاری نەکراوە، بەڵام میدیای نزیک لە قوباد تاڵەبانی لە کورتە هەواڵێکدا دەڵێت، بەرهەم ساڵح تاکە کاندیدی یەکێتییە بۆ ئەو پۆستە.

 

کۆبوونەوەی ئەمڕۆی بافڵ تاڵەبانی و بەرهەم ساڵحیش پێدەچێت ئاماژەیەک بێت بۆ دووبارەکاندیدکردنەوەى ناوبراو.