گه‌ڕان

Shadow Shadow
سیاسه‌تی

سەركەوتنی خواییە بەسەر ئیسرائیلییەكان

ڤیدیۆ: سولەیمانی سەرپەرشتی گیڕانەوەی كەركوك بۆ ناوەند دەكات

2022.01.07 - 12:02
App store icon Play store icon Play store icon
ڤیدیۆ: سولەیمانی سەرپەرشتی گیڕانەوەی كەركوك بۆ ناوەند دەكات

ناس كورد_

گرتەیەكی ڤیدیۆیی كە كەناڵی ئەلحەدەسی عەرەبی بڵاوی كردووەتەوە دەریدەخاتە فەرماندەی پێشووی فەیلەقی قودسی سوپای پاسداران، ژەنەراڵ قاسم سلێمانی سەرپەرشتی پرۆسەی گێڕانەوەی كەركوكی كردووە بۆ بندەستی بەغدا.

کەناڵی ناس کورد لە تێلیگرام جۆین بکە   

بەگوێرەی گرتە ڤیدیۆییەكە كە "ناس كورد" بینیویەتی (7_1_2022) و یەكەم جارە بڵاودەكرێتەوە سولەیمانی نەخشەیەكی گەورەی لەبەردەستدایە و باس لەوە دەكات هەموو جیهان ناتوانن ئەو سەركەوتنە ڕاگرن "چونكە فەرمانی خودایە". بەدوای ئەوەشدا كەسێك لە ئامادەبووان باس لەوە دەكات سولەیمانی هێندە دڵخۆش و ڕووگەشە بەیانیان دەڵێی شارێكی ئێرانی ڕزگاركردووە نەك كەركوك و دەڵێت "ئەم خۆشحاڵییە لێی جیا نابێتەوە".

 

یەكێكی تر لە ئامادەبووان باس لەوە دەكات پرۆژەیەكی ئیسرائیلی لە ئارادابووە، بەڵام بەبێ زیان و قوربانی لەباربراوە، ئەمەش ئاماژەیە بۆ كۆنترۆڵكردنەوەی كەركوك لە 16ی ئۆكتۆبەری 2017 لەلایەن هێزە عێراقییەكانەوە پاش "ریفراندۆمی سەربەخۆیی" 25ی ئەیلولی ئەو ساڵە.

 

هەر لەگرتەكە سولەیمانی باس لەوە دەكات، ئیسرائیلییەكان هەرچی پلان دادەنێن "خوا پووچەڵی دەكاتەوە".

 

قاسم سولەیمانی كە فەرماندەی فەیلەقی قودسی سوپای پاسداران و نزیكترین یاریدەدەری سەربازی عەلی خامنەیی رابەری شۆڕشی ئێران بوو بۆ كاروباری رۆژهەڵاتی ناوەڕاست، لە بەرەبەیانی 3_1_2020 بە فڕۆكەیەكی ئەمەریكی و لەسەر فەرمانی دۆناڵد ترەمپ لە گەڵ ئەبو مەهدی موهەندیسی فەرماندەی مەیدانی حەشدی شەعبی و پاسەوان و یاریدەدەرەكانیان لە ڕێگای فڕۆكەخانەی بەغدا كوژران.