گه‌ڕان

Shadow Shadow
سیاسه‌تی

زانیاریی زیاتر

نامەیەکی درەنگانی شەو ڕێککەوتنی سەدر و لایەنە شیعەكانی تێک دا

2022.01.05 - 16:02
App store icon Play store icon Play store icon
نامەیەکی درەنگانی شەو ڕێککەوتنی سەدر و لایەنە شیعەكانی تێک دا

ناس كورد-
هەرچەندە بڕیاربوو ئەمڕۆ ڕەوتی سەدر و چوارچێوەی هاوئاهەنگی شیعە بەشێوەیەكی بنەڕەتی لەسەر دروستكردنی گەورەترین لیست ڕێكبكەون بۆ كۆبوونەوەی یەكشەممەی داهاتووی پەرلەمان، بەڵام نزیكبوونەوەكە بەهۆی نامەیەكی سەدرەوە كێشەی تێكەوت و رێككەوتنەكە نەكرا.

کەناڵی ناس کورد لە تێلیگرام جۆین بکە   

 

بەگوێرەی زانیارییەكانی سەرچاوەیەكی ناو چوارچێوەی هاوئاهەنگی شیعە كە "ناس كورد" بینیویەتی (5_1_2022)، درەنگانێکی دوێنێ شەو موقتەدا سەدر نامەیەكی ئاڕاستەی هادی عامری، سەرۆكی هاوپەیمانی فەتح كردووە و تێیدا پێداگری دەكات لەسەر دوورخستنەوەی مالیكی، ئەمەش بووەتەهۆی هەرەسهێنانی نزیكبوونەوەی هەردوو بەرە شیعەكە.

 

بەگوێرەی زانیارییەكانی "ناس كورد"، سەدر سوور و پێداگرە لەسەر دروستكردنی حكومەتی زۆرینە بەمەرجێك مالیكی و دەوڵەتی یاسای تێدا نەبێت (33 كورسی)، لە بەرامبەریشدا لایەنە شیعەكان سوورن لەسەر ئەوەی بەبێ مالیكی نەچنە هاوپەیمانێتی لەگەڵ سەدر بەتایبەت كە ئێستا ئەو ڕووكار و دەمڕاستی لایەنە دۆڕاوەكانەوە و ژمارەی كورسییەكانیشی دوو هێندەی كورسییەكانی هاوپەیمانی فەتحی حەشدی شەعبییە.

 

لە لایەکی ترەوە ئەمینداری گشتیی پەرلەمانی عێراق تەواوبوونی سەرجەم ڕێکارەکای بۆ بەستنی یەکەم دانیشتنی خولی پێنجەمی پەرلەمانی عێراق ڕاگەیاند کە بڕیارە بەیانی ڕۆژی یەکشەممەی داهاتوو ئەنجام بدرێت.

 

سیروان عەبدوڵا سیرینی لە لێدوانێکی ڕۆژنامەنوسیدا ڕایگەیاند، ئەمیندارێتی پەرلەمان سەرجەم ڕێکار و ئامادەکارییە ئەمنی، ئیداری و هونەرییەکانی تەواو کردووە بۆ دانیشتنەکە.

 

دەشڵێت، "بەیانی ڕۆژی یەکشەممەی داهاتوو دانیشتنەکە بە سەرۆکایەتی بەتەمەنترین پەرلەمانتار بەڕێوەدەچێت، دواتر هەنگاوەکانی هەڵبژاردنی سەرۆک و دوو جێگرەکەی ئەنجام دەدرێت."

 

بەپێی مەرسومی سەرۆکایەتی کۆمارڕۆژی 9ی کانونی دووەم دیاریکراوە بۆ هەڵبژاردنی سەرۆکی پەرلەمان کە بۆ سونەکانە و هەروەها دوو جێگرەکەشی کە یەکێکیان کوردە و ئەوی تریان شیعەیە.