گه‌ڕان

Shadow Shadow
سیاسه‌تی

وردەکاریی

وردەکاریی گرێبەستی ئەلکترۆنی بۆ کڕین و فرۆشتنی ئۆتۆمبێل لە هەرێم

2022.01.04 - 14:58
App store icon Play store icon Play store icon
وردەکاریی گرێبەستی ئەلکترۆنی بۆ کڕین و فرۆشتنی ئۆتۆمبێل لە هەرێم

ناس کورد- 

هەرچەندە وەزارەتی ناوخۆی هەرێم گرێبەستی ئەلکترۆنیی بۆ مامەڵەی کڕین و فرۆشتنی ئۆتۆمبێل و مەرجی گواستنەوەی خاوەندارێتی ئۆتۆمبێل زیاد کرد، بەڵام گرێبەستی پێشانگەکانیش هەر دەمێنێت.

کەناڵی ناس کورد لە تێلیگرام جۆین بکە   

 

بەگوێرەی ڕێنماییەکی وەزارەتی ناوخۆی هەرێم، ئەو ھاووڵاتیانەی کە سەردانی بەرێوەبەرایەتییەکانی هاتوچۆ دەکەن بەمەبەستی گواستنەوەی خاوەندارێتی - تەحویل کردن - پێویستە  گرێبەستی  ئەلکترۆنییان پێ بێت. 

 

فازڵ حاجی، وتەبێژی بەڕێوەبەرایەتی هاتوچۆی هەولێر (سێشەممە 4-1-2022) بە "ناس کورد"ی وت، "ڕسوماتی گرێبەستە ئەلترۆنییەکە 25 هەزار دینارە و لە بەڕێوەبەرایەتییەکانی هاتوچۆ وەردەگرێت." 

 

لە کاتی کڕینی ئۆتۆمبێل هاووڵاتیان لە پێشانگەکانی ئۆتۆمبێلیش گرێبەست ئەنجام دەدەن کە بڕەکەی لە شوێنێکەوە بۆ شوێنێکی دیکە دەگۆڕێت و بە گشتی لە نێوان 50 بۆ 150 هەزار دیناردایە. 

 

وتەبێژی هاتوچۆی هەولێر ئاماژەی بەوەکرد، "ئەوە پەیوەندی بە هاتوچۆوە نییە و هی پێشانگەکانە، گرێبەستی ئەلکترۆنی تایبەتە بە هاتوچۆ"، واتە گرێبەستی پێشانگەکانیش هەر دەمێنێت. 

 

هاوکات سەبارەت بەوەی ئەو کەسانەی پێشووتر ئۆتۆمبێلیان کڕیوە و گرێبەستی پێشانگەکانیان هەیە، وتەبێژی هاتوچۆی هەولێر باسی لەوەکرد، "پێویستە ئەوانیش گرێبەستی ئەلکترۆنی بکەن و دواتر وردەکارییەکەی بڵاودەکەینەوە." 

 

بەگوێرەی ڕێنماییەکە ئەو کەسانەی کە ئۆتۆمبێلی ژمارە کاتییان کڕیوە و پێش 2-1-2022 گرێبەستیان ئەنجام داوە، گرفتیان نابێت. 

 

بڕیارەکە لەئێستادا چووەتە بواری جێبەجێکردنەوە، ئەوەش ناڕەزایی هاووڵاتیانی لە تۆڕە کۆمەڵایەتییەکان لێکەوتووەتەوە و بە بارگرانییەکی زیادەی ناو دەبەن.