گه‌ڕان

Shadow Shadow
سیاسه‌تی

یان كورسییەكەی یان پۆستەكەی

پارێزگاری كەركوك یەك مانگ مۆڵەتی هەیە

2022.01.01 - 15:06
App store icon Play store icon Play store icon
پارێزگاری كەركوك یەك مانگ مۆڵەتی هەیە

ناس کورد-

لە ڕۆژی گرێدانی یەكەم كۆبوونەوەی ئەنجومەنی نوێنەرانەوە لە 9ی کانونی دووەم، پارێزگاری كەركوك بەوەكالەت لە ماوەی یەك مانگدا دەبێت یان دەستبەرداری پۆستەكەی ببێت و وەك پەرلەمانتار سوێندی یاسایی بخوات، یان دەبێت كورسییەكەی لە پەرلەمان بۆ وەسفی عاسی بەجێبهێلێت و بەوەكالەت بمێنێتەوە.

کەناڵی ناس کورد لە تێلیگرام جۆین بکە   

 

بەگوێرەی یاسای نوێی هەڵبژاردنی ئەنجومەنی نوێنەران كە "ناس كورد" خوێندویەتییەوە (1ی کانونی دووەمی 2022)، لەماوەی 40 ڕۆژی داهاتوودا ڕاكان سەعید، پارێزگاری كەركوك بەوەكالەت دەبێت یان پارێزبەندی پەرلەمان هەڵبژێرێت و سوێندی یاسایی بخوات، یان لە پۆستەكەی بمێنێتەوە و دەستبەرداری كورسییەكەی ببێت لە پەرلەمانی عێراق بۆ خاوەن زۆرترین دەنگی سەرنەكەوتووی بازنەكەی كە شێخ وەسفی عاسییە لە هۆزی عوبەید.

 

ئەم پێشهاتە یاساییە دوای ئەوە هات كە دادگای فیدراڵی جێگرتنەوەی كورسی بەتاڵی پەرلەمانتاری لە هەمان لیست هەڵوەشاندەوە و كردی بەمافی دۆڕاوی خاوەن زۆترین دەنگی بازنەكە بەبێ ڕەچاوكردنی ئەوەی سەر بەكام لیستە، پێشتریش یاسای هەڵبژاردن كاندیدی سەركەوتووی پابەندكرد بەوەی لەماوەی 30 رۆژدا خۆی یەكلایی بكاتەوە بەسوێندخواردن یان دەستبەرداربوونی كورسییەكەی لە پەرلەمان بەپێچەوانەی خولەكانی پێشووەوە كە بە بەتاڵی دەمایەوە.

 

لەخولی پێشوودا ڕاكان سەعید لەپۆستی پارێزگار بەوەكالەت مایەوە و سوێندی نەخوارد لە پەرلەمان، بۆ ئەم خولەش براكەی كاندیدكرد بۆ ئەوەی ئەگەر نەچووە پەرلەمان لە لیستەكەی خۆی جێگەی بگرێتەوە، بەڵام بڕیاری دادگای فیدراڵی رێگر لەهەردوو رێگاكە.