گه‌ڕان

Shadow Shadow
سیاسه‌تی

عامرى: کۆبوونەوەکەمان لەگەڵ سەدر ئیجابى بوو

2021.12.29 - 17:08
App store icon Play store icon Play store icon
عامرى: کۆبوونەوەکەمان لەگەڵ سەدر ئیجابى بوو

ناس کورد-

هادى عامرى سەرۆکى هاوپەیمانى فەتح رایگەیاند، کۆبوونەوەکەیان لەگەڵ موقتەدا سەدر ئیجابی بووە.

کەناڵی ناس کورد لە تێلیگرام جۆین بکە   

 

 عامرى لە بەیاننامەیەکدا کە دەست "ناس کورد" کەوتووە ئاماژەى بەوەکردووە، کۆبوونەوەکە ئیجابی و بەرپرسیارانە بووە و بەرژەوەندى دەوڵەتێکى بەهێز سەرکەوتنى قۆناغى داهاتوو زاڵ بووە بەسەریدا، لەچەند رۆژى داهاتوودا کۆبوونەوەى دیکە لەنەجەف دەکرێت.

  

پێشتر موقتەدا سەدر، ڕێبەری ڕەوتی سەدر ڕایگەیاند، هەڵوێستى ئەوان پێکهێنانى حكومەتێكی زۆرینە و نیشتمانییە، نە ڕۆژهەڵاتی و نە ڕۆژئاوایی.”  

  

ئەوە دووەمجارە سەدر بە دەستوخەتی خۆی و بە قەڵەمی سور هەمان دەستەواژە لە تویتەر بڵاودەکاتەوە، لەکاتێکدا ئەمڕۆ لە نەجەف پێشوازی لە شاندێکی چوارچێوەی ھەماھەنگی کرد کە شەش لایەنی شیعە لەخۆدەگرێت بەسەرۆکایەتی سەرۆکی ھاوپەیمانیی فەتح، ھادی عامری.    

  

لەدوای کۆبوونەوەکە، هیچ لایەنێک لێدوانی لەسەر چۆنیەتی و ناوەڕۆکی کۆبوونەوەکە نەدا.    

  

چوارچێوەی ھەماھەنگیی ھەریەک لە ھاوپەیمانیی دەوڵەتی یاسا، ھاوپەیمانیی ھێزەکانی دەوڵەت، ھاوپەیمانیی فەتح، بزووتنەوەی عەتا، بزووتنەوەی حقوق و پارتی فەزیلە لەخۆدەگرێت.    

  

بڕیاربوو حەوتی ئەم مانگە، کۆبوونەوەی دووەمی سەرکردەی لایەنەکانی چوارچێوەی ھەماھەنگیی لەگەڵ موقتەدا سەدر لە نەجەف سازکرایە، بەڵام دواخرا.    

  

ئەمەیش دوای ئەوە دێت رۆژی دووی ئەم مانگە سەرکردەی رەوتی سەدر، موقتەدا سەدر لەگەڵ سەرکردەی لایەنەکانی چوارچێوەی ھەماھەنگیی کۆبوویەوە، بەڵام ھیچ وردەکارییەک لەبارەی ناوەڕۆکی کۆبوونەوەکە، بڵاونەکراوەیە.