ناس کورد-
موقتەدا سەدر رابەرى رەوتى سەدر سێ سەرکردەى چوارچێوەى هەماهەنگى بانگهێشتکرد بۆ ماڵەکەى خۆى بەمەبەستى گفتوگۆکردن لەسەر قۆناغى دواى پەسەسەندکردنى ئەنجامى هەڵبژاردن و پێکهێنانى حکومەت.
کەناڵی ناس کورد لە تێلیگرام جۆین بکە
بەپێی کەناڵى (UTV) عێراقى، بانگهێشتەکەى سەدر تەنها بۆ هادى عامرى، قەیس خەزعەلى و فالح فەیازە و نورى مالیکى نەگرتووەتەوە کە یەکێکە لەسەرکردەکانى چوارچێوەى هەماهەنگى شیعەکان.
بانگهێشتتەکەى سەدر دواى رۆژێک دێت لە پەسەندکردنى ئەنجامى هەڵبژاردن و رەتکردنەوەى داواکەى هادى عامرى بۆ هەڵوەشاندنەوەى ئەنجامى هەڵبژاردن لەلایەن دادگاى فیدراڵییەوە.
کۆبوونەوەى سەدر و ئەو سەرکردانەى چوارچێوەى هەماهەنگى دەبێتە دووەم کۆبوونەوەى نێوانیان لەماوەى کەمتر لە مانگێکدا.
سەدر (2ی كانونی یەكەمی 2021) لەماڵی هادی عامری لەگەڵ مالیكی و حەكیم و خەزعەلی و هادی عامری کۆبووەوە و جەختیکردەوە حكومەتی داهاتوو كە نە رۆژهەڵاتی و نە رۆژئاوایی دەبێت و هی زۆرینەی نیشتمانییە.
سەدر هەروەها دوێنێ دووشەممە دواى پەسەندکردنى ئەنجامى هەڵبژاردن جەختى لەسەر هەمان هەڵوێست کردەوە.
