گه‌ڕان

Shadow Shadow
سیاسه‌تی

زانیاریی زیاتر

تەرمی 16 کۆچبەر گەڕێنرانەوە هەرێمی کوردستان

2021.12.26 - 08:01
App store icon Play store icon Play store icon
تەرمی 16 کۆچبەر گەڕێنرانەوە هەرێمی کوردستان

ناس کورد-

دوای دووجار دواخستنی، بەیانی ئەمڕۆ تەرمی 16 کۆچبەری کورد کە ڕۆژی 24ی مانگی ڕابردوو لە ئاوی ئینگلیزی لەنێوان فەڕەنسا و بەریتانیا خنکابوون گەڕێنرانەوە هەرێمی کوردستان و بەخاک سپێردران.

کەناڵی ناس کورد لە تێلیگرام جۆین بکە   

 

کاتژمێر 2:23 خولەکی بەرەبەیانی ئەمڕۆ (26ی کانونی یەکەمی 2021) تەرمەکان لە ئیستەنبوڵەوە گەیشتنەوە هەولێر، لەفڕۆکەخانەش کەسوکاری قوربانیان لەناوچە جیاوازەکانی هەرێمی کوردستانەوە هاتوون بۆ پێشوازیی لە تەرمی قوربانییەکانیان.

 

ئەو کۆچبەرانە هەشت کەسیان خەڵکی دەڤەری راپەڕینن، چوار کەسیان خەڵکی دەربەندیخانن، یەکێکیان خەڵکی هەولێر، کۆچبەرێک خەڵکی سۆران و دوو کۆچبەری دیکەش خەڵکی ناوچەکانی هەرێمن.

 

 

ڕۆژی 24ی تشرینی دووەمی 2021، بەلەمێک کە 33 کۆچبەری تێدابوو لە نۆکەندی ئینگلیزی لە نێوان فەڕەنسا و بەریتانیا نقوم بووم، تەواوی کۆچبەرەکان کە زۆربەی کورد خەڵکی هەرێمی کوردستان بوون گیانیان لەدەست دا و تەنها دوو کەسیان ڕزگاریان بوو.

 

تەنها لەماوەی یەک هەفتەی ڕابردووشدا، سێ بەلەمی تری کۆچبەران لە ئاوەکانی یۆنان نقوم بوون کە دواترینیان ڕۆژی 23ی ئەم مانگە بووە و 103 کەس لەنێو ئەو بەمەلەدا بوون کە لە ئیجە نقوومبوو، لە ئەنجامی نقوومبوونی بەلەمەکەش 11 کەس گیانیان لەدەستدا کە نۆ کەسیان خەڵکی هەرێمی کوردستان بوون و دووەکەی دیکە خەڵكی ئەفغانستان بوون.