گه‌ڕان

Shadow Shadow
سیاسه‌تی

زانیاریی زیاتر

گشتاندنێک تایبەت بە ڕۆژانی پشووی سەری ساڵ دەرکرا

2021.12.25 - 21:02
App store icon Play store icon Play store icon
گشتاندنێک تایبەت بە ڕۆژانی پشووی سەری ساڵ دەرکرا

ناس کورد- 

وەزارەتی تەندروستیی هەرێم گشتاندنێکی بۆ سەرجەم بەڕێوەبەرایەتییەکانی قەزا و ناحییەکان دەرکردووە و تێیدا ژمارەیەک بڕیار و ڕێنمایی لەبارەی پشووەکانی سەری ساڵ و دەوامی فەرمانگە تەندروستییان ئاڕاستە کردوون. 

کەناڵی ناس کورد لە تێلیگرام جۆین بکە   

 

لە گشتاندنەکەی وەزارەتی تەندروستیدا هاتووە، "پشووەکانی فەرمانگە تەندروستییەکان هاوشێوەی شوێنەکانی دیکە دەبێت، بەڵام ئێشکگری بەردەوام دەبێت بۆ کارئاسانی بۆ هاووڵاتیان." 

 

ئاماژەی بەوەشکردووە، "سەنتەرە 24 کاتژمێرییەکان و نۆڕینگە دەرەکییەکان و هەروەها سەنتەرەکانی شوشتنی گورچیلە کراوە دەبن." 

 

 

دەقی ڕاگەیەنراوەکەی تەندروستیی: 

 

هاووڵاتیانی بەڕێز و دام و دەزگاکانی تەندروستی ئاگاداردەکەینەوە کەوا ڕۆژانی پشووی فەرمی هەمان ڕۆژانی پشووی ڕاگەیاندراوە کە لایەن حکومەتی هەرێمی کوردستان لە ڕێکەوتی (٢٥/١٢/٢٠٢١) دەست پێ دەکات تاکوو (٢/١/٢٠٢٢) کە یەکەم ڕۆژی دەوام دەبێت بۆ ئەم مەبەستە نەخۆشخانە و دامودەزگا تەندروستیەکان رادەسپێرێت کە تەنها ئێشکگری دەبێت بۆ کارئاسانی هاووڵاتیان و بەرژەوەندی گشتی بەپێ ی ئەم رینماییانەی خوارەوە:. 

 

١- پابەندبوون بە ڕێکارەکانی خۆپارێزی دژی ڤایرۆسی کۆڕۆنا بە بەستنی ماسك و دوورکەوتنەوەی کۆمەڵایەتی لە قەرەبالغی و بایەخدان بە پاکوخاوێنی تاك بەتایبەت دەست شوشتن. 

 

٢- پابەندبووون بە وەرگرتنی ڤاکسین لە لایەن هاووڵاتیان لە سەنتەرەکانی پێدانی ڤاکسین .

 

٣- لە ڕۆژانی پشووی سەری ساڵ سەرجەم سەنتەرەکانی وەرگرتنی ڤاکسین کراوە دەبێ بۆ پێشوازی لەو هاووڵاتیانەی کە مەبەستیانە ڤاکسین وەربگرن. 

 

٤- فریاکەوتنەکان (٢٤) کاتژمێرکراوە دەبن بەشێوەی ئێشکگری.

 

٥- دەوامی نەخۆشخانەکان بەشێوەی ئێشکگری دەبێت. 

 

٦- نۆرینگە دەرەکیەکان کراوە دەبن لە ڕۆژانی پشوو. 

 

٧- ڕاوێژکارییە (٢٤) کاتژمێرییەکان کراوە دەبن بە پێ ی خشتەی دەوامکردنیان لە لایەن بەڕێوەبەرایتیە گشتیەکان دیاری دەکرێت. 

 

٨- سەنتەرەکانی شووشتنی گورچیلە بەردەوام کراوە دەبێت بەشێوەی ئێشکگری کە لەلایەن بەڕێوەبەرایتیە گشتیەکان دیاری دەکرێت. 

 

٩- تیمەکانی فریاگوزاری و هێلی (١٢٢) بەردەوام دەبن لە ئەرک و کارەکانیان بەشێوەی (٢٤) کاتژمێری وە بەهۆی پزیشکی فریاکەوتن خشتەی دابینکردنی تیمەکانی دادەنێت بۆ شوێنەکانی پێویست و گەشتیاری. 

 

١٠- لەکاتی پێویستدا کۆگاکانی دەرمان و پێداویستی پزیشکی و تاقیگەیی کراوە دەبن لەسەرجەم شار و شارۆچکەکان.

 

١١- تیمەکانی (پشکنینی ئاوی خواردنەوەی ماڵان و نەخۆشیە گوازرەوەکان و چاودێری تەندروستی) بەردەوام دەبن لە بەدواداچوونەکانیان. 

 

١٢- پێشکەشکردنی خزمەتگوزاری تەندروستی بۆ ئاوەرەکان لە کەمپەکان بەردەوم دەبێت. 

 

١٣- پابەندبوونی پزیشکانی پسپۆڕ و نیشتەجێ ی دێرین و خولاو و پەرستار و کارمەندانی تەندروستی بە دەوامی ئێشکگری لە ڕۆژانی پشوودا. 

 

١٤- هێلەکانی مۆبایلی بەڕێوەبەر و بەپرس و وەرگری بەشەکان کراوە دەبن و وەڵامی پەیوەندیەکان دەدرێنەوە لە ڕۆژانی پشوو. 

 

١٥- لێژنەکانی بەدواداچوون لەسەرجەم بەرێوەبەرایەتیە گشتیەکان و نەخۆشخانەکان بەردەوام دەبن بۆ بەدواداچوونی دەوامی نەخۆشخانە و دەزگا تەندروستیەکان.

 

وەزارەتی تەندروستی

حکومەتی هەرێمی کورستان

23 دیسێمبەر 2021