گه‌ڕان

Shadow Shadow
سیاسه‌تی

وردەکاریی

زانیاریی نوێ لەبارەی هێرشی هێزە چەکدارەکە لە قوتابخانەکەی سلێمانی ئاشکرا کرا

2021.12.24 - 13:20
App store icon Play store icon Play store icon
زانیاریی نوێ لەبارەی هێرشی هێزە چەکدارەکە لە قوتابخانەکەی سلێمانی ئاشکرا کرا

ناس کورد- 

ئەندامێکی لیژنەی پەروەردە و خوێندنی باڵا لە پەرلەمانی کوردستان ڕایگەیاند، هێرشکارانی ڕووداوی قوتابخانەکەی سلێمانی دەستگیرکراون، هاوکات بەگوێرەی زانیارییەکان هێزەکە لە بەرامبەر پارەدا ئەو کارەیان کردووە. 

کەناڵی ناس کورد لە تێلیگرام جۆین بکە   

 

ئاشنا عەبدوڵا، ئەندامی لیژنەی پەروەردە و خوێندنی باڵا لە پەرلەمانی کوردستان (هەینی 24ی کانونی یەکەمی 2021) بە "ناس کورد"ی ڕاگەیاند، " ئەو روداوەی لە قوتابخانەیەکی سلێمانی ڕوویداوە دەگەڕێتەوە بۆ ڕۆژی چوارشەممە و لە قوتابخانەیەکی ناحکومی سەربە حکومەتی عێراقە لە سلێمانی بەناوی (المدارس العالمیە المتحدە)." 

 

وتیشی، "ئەوەندەی بەدواداچوونم کردوو هێرشبەرەکان دەستگیرکراون." 

 

بەگوێرەی زانیارییەکانی "ناس کورد" ئەو چەکدارانەی هێرش دەکەنەسەر ئەو کەسەی دیکە خاوەنی کێشەکە نین، بەڵکو بەرامبەر بە پارە کە لەلایەن ژنێکەوە پێیان دەدرێت ئەو کارە دەکەن. 

 

هەر لەوبارەیەوە ڕێبوار عەبدولڕەحمان، کاندیدی سەرکەوتووی نەوەی نوێ بۆ پەرلەمانی عێراق گرتەیەکی ڤیدیۆیی پێش ڕووداوەکەی بڵاوکردووەتەوە و دەڵێت، "کێشەکە ئەوە نییە کە ئەو کەسانە بە جلی سەربازییەوە پەلاماری ئەو باوکە دەدەن لەناو قوتابخانەکەی شاری سلێمانیدا، کێشەکە ئەوەیە ئەو کارە بە پارە دەکەن." 

 

ئاشنا عەبدوڵا ئاماژەی بەوەشکرد، "پێویستە ئەو بابەتە بە ئاسانی تێنەپەڕێت، چونکە ئەوە شکاندنی حەرەمی پەروەردەیە، بێڕێزیکردنە بەرامبەر نزیکەی دوو ملیۆن کەس کە لە کەرتی پەروەردەدا خوێندکاران، مامۆستان یاخود فەرمانبەرن." 

 

جەختیشیکردەوە، "هەموو هەوڵێک دەدەین تا ئەوەی سەرجەم ئەو کەسانەی لەو کارە تێوەگلاون دەستگیربکرێن." 


زیاتر بخوێنەرەوە: ڕوونکردنەوەیەک لە سەرپەرشتیاری لیواکانی کۆسرەت ڕەسوڵ عەلییەوە