گه‌ڕان

Shadow Shadow
سیاسه‌تی

هۆکارى تەقینەوەى ناو کارگەکەى هەولێر ئاشکراکرا

2021.12.21 - 20:48
App store icon Play store icon Play store icon
هۆکارى تەقینەوەى ناو کارگەکەى هەولێر ئاشکراکرا

ناس کورد-

 

پۆلیسى هەولێر رایگەیاند، هۆکارى تەقینەوەى ناو کارگەیەکى ئاسن نارنجۆکێکى دەستى بووە کە لە کاتی تواندنەوەی کۆنە ئاسندا تەقیوەتەوە.

کەناڵی ناس کورد لە تێلیگرام جۆین بکە   

 

بەپێی راگەیەنراوێکى پۆلیس کە دەست "ناس کورد" کەوتووە، بەهۆى تەقینەوەکەوە کرێکارێک بە ناوی (نایف شاباز چاوشین) تەمەن (٤٥) ساڵ گیانى لەدەستداوە و کرێکارێکی تریش بەناوی (سامر اسماعیل طه) بریندار بووە.

 

دەقى راگەیەنراوەکە:

 

دوای ئەوەی ئێوارەی ئەمڕۆ ڕێکەوتی 21/12/2021، هێزەکانی بەرێوەبەرایەتی پۆلیسی پارێزگای هەولێر ئاگادار کرانەوە کەوا نارنجۆکێکی دەستی (ڕومانە) لە کارگەی شیشی کەورگۆسک تەقیوەتەوە، دەستبەجێ تیمەکانمان لە بەشی پۆلیسی خەبات، بنکەی پۆلیسی کەورگۆسک، گەیشتنە شوێنی ڕووداو و دەرکەوت کەوا نارنجۆکە کە لە کاتی تواندنەوەی کۆنە ئاسندا تەقیوەتەوە، کە بەداخەوە لە ئاکامدا کرێکارێک بە ناوی (نایف شاباز چاوشین) تەمەن (٤٥) ساڵ، گیان لەدەست دەدات و کرێکارێکی تریش بەناوی (سامر اسماعیل طه) زامدار دەبێت، تەرمەکە ڕەوانەی پزیشکی دادی کرا و زامدارەکەش گواسترایەوە بۆ نەخۆشخانە.

 

لە کاتی ئێستاشدا هێزەکانی بەڕێوەبەرایەتی پۆلیسی پارێزگای هەولێر سەرقاڵی لێکۆڵینەوەن لە چۆنیەتی ڕووداوەکە.