گه‌ڕان

Shadow Shadow
سیاسه‌تی

بەپەلە

ڕاگەیەنراوێک لە وەزارەتی دارایی هەرێمەوە

2021.12.20 - 12:50
App store icon Play store icon Play store icon
ڕاگەیەنراوێک لە وەزارەتی دارایی هەرێمەوە

ناس کورد- 

وەزارەتی دارایی هەرێم ناردنی 200 ملیارەکەی لەلایەن بەغداوە ڕاگەیاند و دەڵیت، بەپێی ڕێککەوتنی هەرێم و بەغدا پارەکە نێردراوە.

کەناڵی ناس کورد لە تێلیگرام جۆین بکە   

 

لە ڕاگەیەنراوێکدا وەزارەتی دارایی هەرێم ڕایگەیاند، "پاش دواكه‌وتنی بۆ ماوه‌ی چه‌ند رۆژێك ئه‌مڕۆ دووشه‌ممه‌ 20ی کانونی یەکەمی 2021، کاتژمێر 12:30 خولەک، بڕی 200 ملیار دینار به‌پێی رێکكه‌وتنی هه‌رێم - به‌غدا گه‌یشته‌ هه‌رێمی كوردستان.

 

پێشتر سەرچاوەیەک لە وەزارەتی دارایی هەرێم (دووشەممە 20ی کانونی یەکەمی 2021) بە "ناس کورد"ی وت، "200 ملیار دینارەکەی بەغدا خرایەسەر هەژماری بانکی لقی هەولێری بانکی ناوەندیی عێراق."   

  

مەزهەر محەمەد ساڵح، ڕاوێژکاری دارایی مستەفا کازمی، سەرۆک وەزیرانی عێراق لە لێدوانێكی رۆژنامەوانی كە "ناس كورد" بینیویەتی (دووشەممە 20ی کانونی یەکەمی 2021) ڕایگەیاند، "دواکەوتنی 200 ملیارەکە چەند جارێکە دووبارە دەبێتەوە کە ڕێوشوێنێکی کارگێڕیانەیە لە نێوان هەردوو وەزارەتی دارایی عێڕاق و هەرێم."     

  

وتیشی، "پێموایە هیچ کێشەیەکی سیاسی نییە، بەڵکو کێشەیەکی تەکنیکییە، چونکە ڕێککەوتنێک هەیە لەنێوان بەغدا و هەرێم بۆ ناردنی ئەو پارەیە، سەبارەت بە وادەی ناردنی پارەکەش وەزارەتی دارایی دەزانێت و من ئاگاداری نیم."     

  

سەبارەت بەوەی کە ناردنی پارەکە تا کەی بەردەوام دەبێت، ڕاوێژکاری دارایی مستەفا کازمی باسی لەوەکرد، "لە کۆتایی ساڵدا یاسای بوجەی حکومەتی عێڕاق کۆتایی دێت و تاوەکو یاسای بودجەی ساڵی 2022 پەسەند دەکرێت بەگوێرەی یاسای کارگێڕی مانگانە 1 لەسەر 12ی خەرجییەکان خەرج دەکرێن و ناوەستن، حکومەتی عێڕاقیش جیاوازی ناکات لەنێوان پارێزگاکاندا بۆ دابینکردنی مووچەی فەرمانبەران."