گه‌ڕان

Shadow Shadow
سیاسه‌تی

وردەکاریی

شوێنى هەڵدانى ئەو موشەکانە دیاریکرا کە ئاڕاستەى ناوچەى سەوز کران

2021.12.19 - 22:56
App store icon Play store icon Play store icon
شوێنى هەڵدانى ئەو موشەکانە دیاریکرا کە ئاڕاستەى ناوچەى سەوز کران

ناس کورد-

 

وتەبیژى فەرماندەى گشتى هێزە چەکدارەکانى عێراق رایگەیاند، ئەو موشەکانەى شەوى رابردوو ئاڕاستەى ناوچەى سەوز کران لە نزیک شەقامى فەڵەستینەوە لەبەغدا هەڵدراون و لێکۆڵینەوە لەو بارەیەوە بەردەوامە.

کەناڵی ناس کورد لە تێلیگرام جۆین بکە   

 

لیوا یەحیا رەسوڵ (یەکشەممە 19ى کانونی یەکەمی 2021) لە چاوپێکەوتنێکى تەلەفزیۆنیدا وتى "هەواڵگرى شکستى بە هەوڵى بەئامانج گرتنى کاروانێکى پشتیوانى لۆجیستى هێناوە لە بابل".

 

وتیىشى "لێکۆڵینەوە بەردەوامە لە بەئامانج گرتنى ناوچەى سەوز و چاندنى بۆمبى چێنراو لە بابل".

 

بەوتەى یەحیا رەسوڵ، موشەکەکانى سەر ناوچەى سەوز لە نزیک شەقامى فەڵەستینەوە هەڵدراون و لایەنە پەیوەندیدارەکان دەستیان کردووە بە لێکۆڵینەوە لەو بارەیەوە.

 

تۆڕی ڕاگەیاندنی جەنگی (19ی کانونی یەکەمی 2021)  ڕایگەیاند، ناوچەی سەوزی بەغدا لەڕێگەی دوو موشەکی جۆری کاتیۆشاوە کراوەتە ئامانج، یەکێک لە موشەکەکانیش بەر دوو ئۆتۆمبێلی مەدەنی کەوتووە.  

 

تۆڕەکە کە سەر بە سوپای عێراق لە ڕوونکردنەوەیەکدا وتى "موشەکی یەکەم لەڕێگەی سیستەمی بەرگریی سی ڕامەوە لە ئاسماندا تەقێنراوەتەوە و موشەکی دووەمیش لە نزیک گۆڕەپانی ئاهەنگەکان کەوتووەتەوە و بەر دوو ئۆتۆمبێل کەوتووە، بەڵام زیانی گیانی نەبووە."  

  

باسی لەوەشکردووە، "هێزە ئەمنییەکان دەستبەجێ لێکۆڵینەوەیان دەستپێکردووە بۆ دیاریکردنی شوێنی هەڵدانیان."  

me_ga.php?id=30748me_ga.php?id=30747