گه‌ڕان

Shadow Shadow
سیاسه‌تی

وردەکاریی

وەزارەتى ناوخۆ داواى پێکهێنانى هێزێک لەسلێمانى دەکات

2021.12.19 - 19:46
App store icon Play store icon Play store icon
وەزارەتى ناوخۆ داواى پێکهێنانى هێزێک لەسلێمانى دەکات

ناس کورد-

 

جێگرى پارێزگارى سلێمانى ئاشکرایکرد، وەزارەتى ناوخۆ داوایکردووە هێزێک لەپارێزگاکە دابنرێت و تایبەت بکرێت بە ڕاگرتنی دیاردەی زیادەڕەوی و پێداویستییەکانى بۆ دابینبکرێت.

 

کەناڵی ناس کورد لە تێلیگرام جۆین بکە   

 

لەیلا عەلى  (یەکشەممە 19ێ کانونی یەکەمی 2021) لە راگەیەنراوێکدا کە دەست "ناس کورد" کەوتووە ئاماژەى بەوەکردوە، لەکۆبوونەوەیەکدا لە دیوانى پارێزگا، بریکاری وەزارەتی ناوخۆ داوای کرد ڕێوشوێنی پێویست و یاسایی بگیرێتەبەر  بە مەبەستی نەهێشتنی زیادەڕەوی و ئەمەش بە دانانی هێزێک و دابینکردنی پێداویستییەکانی، کاری پێویست بکرێت بۆ ڕاگرتنی دیاردەی زیادەڕەوی لە شاری سلێمانی و دەروبەری.

 

دقى راگەیەنراوەکە:

 

ئەمڕۆ یەک شەممە ١٩\١٢\٢٠٢١، لە دیوانی پارێزگای سلێمانی کۆبوونەوەیەک بەسەرپەرشتی بەڕێز بریکاری وەزارەتی ناوخۆ و بەڕێزان پارێزگاری سلێمانی و جێگری پارێزگاری سلێمانی وە بە ئامادەبوونی چەند بەڕێوەبەرو لایەنێکی پەیوەندیدار بەڕێوەچوو.

 

لە تەوەرێکدا، بەڕێز بریکاری وەزارەتی ناوخۆ داوای کرد ڕێوشوێنی پێویست و یاسایی بگیرێتەبەر  بە مەبەستی نەهێشتنی زیادەڕەوی و ئەمەش بە دانانی هێزێک و دابین کردنی پێداویستی یەکانی، وە کاری پێویست بکرێت بۆ ڕاگرتنی دیاردەی زیادەڕەوی لە شاری سلێمانی و دەروبەری.

ھەروەھا ئاماژەی بەوەشکرد لەکاتی پێویست دا، پەنا بۆ دادگای تایبەتمەند ببرێت و لەو ڕێگەیەوە ڕێوشوێنی یاسایی بگیرێتەبەر.

 

دواتر هەریەک لە پارێزگاری سلێمانی و جێگری پارێزگار باسیان لە ڕێوشوێنی زیادەڕەوی کرد لەو شوێنانەی زیادەڕەوییان کراوەتە سەرو پلانی خۆیان خستەڕوو لەو بارەیەوە.