گه‌ڕان

Shadow Shadow
سیاسه‌تی

لەم هەفتەیەدایە

وادەی شەپۆلێکی دیکەی باران و بەفربارین لە هەرێم ڕاگەیەنرا

2021.12.18 - 22:43
App store icon Play store icon Play store icon
وادەی شەپۆلێکی دیکەی باران و بەفربارین لە هەرێم ڕاگەیەنرا

ناس کورد- 

کەشناسێکی کورد پێشبینییەکانی بۆ شەپۆلێکی دیکەی باران و بەفربارین بڵاوکردەوە و دەڵێت، لە ڕۆژی دووشەممەوە دەست پێ دەکات و تاوەکو پێنجشەممە بەردەوام دەبێت و پلەکانی گەرما بەشێوەیەکی بەرچاو نزمدەبنەوە.

کەناڵی ناس کورد لە تێلیگرام جۆین بکە   

 

لە بڵاوکراوەیەکدا ئاراس جەبار، شارەزای کەشناسی ڕایگەیاند، "دوانیوەرۆی رۆژی دووشەمە 20ی کانونی یەکەمی 2021، ناوچەکانمان بکەوێتەوە ژێر کاریگەری نزمەپاڵەپەستۆیەکی ناسەقامگیری دەریای ناوەراست و شەپۆلێکی بەفر و بارانبارین، هەروەها زیادوونی خێرایی با بە بڕ و رێژەی جیاواز." 

 

ئاماژەی بەوەشکردووە، " رۆژانی سێشەممە و چوارشەممەدا کاریگەری بارستە ھەوایەکی تا رادەیەک سارد لە سیبیریاوە بەسەر وڵاتانی تورکیا و باکوری رۆژئاوای ئێراندا شۆردەبێتەوە بۆ ناوچە شاخاوییەکانی ھەرێمی کوردستان و لە ئەنجامدا پلەکانی گەرما بەرێژەی ٤ تا ٦ پلەی سیلیزی لەتەواوی ناوچەکەدا نزمدەبنەوە و شەپۆلێکی بەفر بارین زۆرینەی ناوچە شاخاوییەکان و سەنتەری بەشێک لە قەزا و ناحیەکانی ناوچە سنورییەکان دەگرێتەوە و لە سەنتەری پارێزگاکانیشدا بەشێوەی بارانبارینی پچر پچر و مامناوەند کاریگەری دەبێت." 

 

ئەوەشی خستووەتەڕوو، " شەپۆلە پێشبینی دەکەین کاریگەری ئەم تا کۆتایی ئەم ھەفتەیە رۆژی پێنجشەممە لەسەر ناوچەکە بمێنێتەوە لەگەڵ نزمبوونەوەی زیاتری پلەکانی گەرما لەناوچە شاخاوییەکاندا."