گه‌ڕان

Shadow Shadow
سیاسه‌تی

زانیاری و بەڵگە

زانکۆیەکی ئیسلامی لە هەرێمی کوردستان دەکرێتەوە

2021.12.13 - 18:57
App store icon Play store icon Play store icon
زانکۆیەکی ئیسلامی لە هەرێمی کوردستان دەکرێتەوە

ناس کورد-

لەسەر داوای یەکێتی زانایانی ئایینی، حکومەتی هەرێم ڕەزامەندی نیشاندا لەسەر کردنەوەی زانکۆیەکی ئیسلامی بۆ "پێگەیاندنی زانا و مامۆستای ئایینی".

کەناڵی ناس کورد لە تێلیگرام جۆین بکە   

 

 

یەکێتی زانایانی ئایینی لە ڕوونکردنەوەیەکدا دەڵێت، "لە کۆبوونەوەی ڕۆژی 29ی ئەیلولی 2021ی یەکێتی زانایان لەگەڵ رێزدار مەسرور بارزانی، سەرۆکی حکومەتی هەرێمی کوردستان ئەنجامدا بە مەبەستی بەرەو پێشبردنی رەوشی ئایینی و خزمەتی پتری بواری زانستە شەرعیەکان و پێگەیاندنی کادری ئایینی لێهاتوو چەند پێشنیارێکی خستە بەر دیدی بەرێزیان، کە یەکێ لەو پێشنیارانە کردنەوەی زانکۆیەکی ئیسلامی بوو لە هەرێمی کوردستان."

 


دەشڵێت، "خۆشبەختانە و بە سوپاسەوە ڕۆژی 7ی کانونی یەکەمی 2021 لە نوسراوی فەرمی ژمارە (15273) ئەنجومەنی وەزیران لەسەر راسپاردەی سەرۆکی حکومەتی هەرێم نوسراوێکی ئاراستەی وەزارەتی خوێندنی باڵاو تویژینەوەی زانستی کردووەو تێیدا داوا دەکات کاری پێویست ئەنجام بدەن بۆ کردنەوەی زانکۆیەکی ئیسلامی لە کوردستان.


بەپێی نوسراوەکە، فەرمان کراوە کاری پێویست ئەنجام بدەن بە هەماهەنگی لەگەڵ هەر یەک لە وەزارەتی ئەوقاف و کاروباری ئایینی و وەزارەتی پلاندانان و یەکێتی زانایانی ئایینی بە دیراسەتکردنی ئەم بابەتەو دواتر بەرزکردنەوەی راسپاردەو میکانیزمی گونجاو بۆ جێبەجێکردنی داواکاری ئاماژە پێکراو.


"شایەنی باسە پاڵپشت بە بڕگەی نۆیەم لە ماددەی چوارەمی پەیڕەو و پرۆگرامی خۆی یەکێتی زانایان وەک هەستکردنی بە کاری پیشەیی و خزمەتێکی گەورە بەرامبەر ئایین و نەتەوەو نیشتمان، وە پێگەیاندنی زاناو مامۆستای ئایینی لە زانکۆیەکی تایبەتمەندی ئیسلامی کوردستانی ئامانجی بووە لەو پێناوە هەنگاوی جدی بنێت، بەسوپاسەوە سەرۆکی حکومەتی هەرێم بەو بڕیارەی ئومێدی زۆری لای یەکێتی زانایان لە بواری خزمەتکردنی رەوشی ئایینی و زانستی ئیسلامی دروستکردووە."

 

me_ga.php?id=4819