گه‌ڕان

Shadow Shadow
سیاسه‌تی

وردەکاریی

سزاى ئەو مامۆستایانە چییە کە ڤاکسینیان وەرنەگرتووە؟ پەروەردە وەڵام دەداتەوە

2021.12.13 - 13:17
App store icon Play store icon Play store icon
سزاى ئەو مامۆستایانە چییە کە ڤاکسینیان وەرنەگرتووە؟ پەروەردە وەڵام دەداتەوە

 

ناس کورد-

 

وەزیرى پەروەردەى هەرێم رایگەیاند، ئەو مامۆستایانەى کە ڤاکسینیان وەرنەگرتووە، بەپێی یاساى بەرزەفتى فەرمانبەران مامەڵەیان لەگەڵدا دەکرێت و ئاگاداردەکرێنەوە.

کەناڵی ناس کورد لە تێلیگرام جۆین بکە   

 

ئالان حەمەسەعید (دووشەممە 13ی کانونی یەکەمی 2021) لە کۆنفرانسێکى رۆژنامەنوسیدا کە پەیامنێرى "ناس کورد" تێیدا ئامادەبوو لەبارەى سزادانى ئەو مامۆستایانەى ڤاکسینیان وەرنەگرتووە وتى "پێدانى ڤاکسین قۆناغى باشى بڕیوە، نزیک بووینەتەوە لە 80 هەزار مامۆستا کە وەریان گرتووە، باسى سزامان نەکردووە بۆ ئەوانەى وەریناگرن، هەموو شتێک هەر سزا نییە چونکە ئەوە بۆ پاراستنى مامۆستایە".

 

وتیشى "ناوى ئەو مامۆستایانەى کە ڤاکسینیان بەکارنەهێناوە لەپەروەردەکانە و ئاگادارکردنەوەیان پێدەدرێت، چونکە ئەوە بڕیارێکى حکومییە و پەروەردەکان دەتوانن بەپێی یاساى بەرزەفتى فەرمانبەران مامەڵەیان لەگەڵدا بکەن".

 

بەپێی بڕیارى حکومەتى هەرێم مامۆستایان مۆڵەتیان پێدرابوو تا 1/12/2021 ڤاکسین وەربگرن و فەرمانبەرانیش تا سەرەتاى ساڵى نوێ، بەپێچەوانەوە رێکاریی یاسییان بەرانبەر دەگیرێتەبەر.