گه‌ڕان

Shadow Shadow
سیاسه‌تی

پەروەردە لەبارەی بوونی شیعرێک کە سوکایەتی بە ئاینی ئیسلام دەکات هاتەدەنگ

2021.12.11 - 15:33
App store icon Play store icon Play store icon
پەروەردە لەبارەی بوونی شیعرێک کە سوکایەتی بە ئاینی ئیسلام دەکات هاتەدەنگ

ناس کورد-

دوای دروستبوونی ناڕەزایەتی لە تۆڕە کۆمەڵایەتییەکان لەبارەى بوونی شیعرێک لەناو کتێبی زمان و ئەدەبی کوردی پۆلی 10ی ئامادەیی کە سوکایەتی بە ئاینی ئیسلام دەکات، وەزارەتی پەروەدە دەڵێت، ئەو شیعرە لە 2007ـەوە لەناو پڕۆگرامدایە و تازە نییە، "بەڵام سەرقاڵی پێداچوونەوەن." 

کەناڵی ناس کورد لە تێلیگرام جۆین بکە   

 

وەزارەتی پەروەردە لە ڕوونکردنەوەیەکەیدا (11ی کانونی یەکەمی 2021) دەڵێت، بابەتێک لە کتێبی زمان و ئەدەبی کوردی پۆلی (10)ـی ئامادەیی سەبارەت بە دەستەواژەیەک لە (لاوکێ دەروێشی عەڤدی) ڕەخنەی لەسەر هەیە و چەند ڕوونکردنەوەیەک دەدات؛


1- ئەو بابەتە لە ساڵی 2007ەوە لە پۆلی (10) لە کتێبی زمان و ئەدەبی کوردی هەیە و نوێ نییە ئەمساڵ دانرابێت.


2- ئێمە لە بەرێوەبەرایەتی گشتیی پرۆگرامەکان لە ئێستا دا لە قۆناغی پێداچوونەوەین بە پرۆگرامەکانی خوێندن، چەندین کتێب پێداچوونەوەی بۆ ئەنجامدراوە، کتێبی کوردی پۆلی (11 و 12)ـی ئامادەیی لە ماوەی دوو ساڵی ڕابردوو پێداچوونەوەی بۆ کراوە و ئێستا کتێبێکی نوێ دەخوێندرێت. وە کتێبی کوردی پۆلی (10)ـی ئامادەیی ئێستا لە قۆناغی پێداچوونەوەیە و لێژنەی پسپۆڕ چەندین مانگە کاری لەسەر دەکات بۆ ئەوەی بۆ ساڵی خوێندنی داهاتوو (2022 - 2023) کتێبە نوێیەکەی زمان و ئەدەبی کوردی پۆلی (10) لە ناوەندەکانی خوێندن بخوێندرێت، بەدڵنیایی ڕەچاوی رێزگرتنی تەواوی ئایینەکان و ئایینزاکان و پێکەوە ژیانی ئاشتییانە دەکرێت.

me_ga.php?id=4814me_ga.php?id=4812me_ga.php?id=4813