گه‌ڕان

Shadow Shadow
سیاسه‌تی

هەڵوێستێکى نوێ لە واشنتنەوە لەبارەى کشانەوە لەعێراق: 2500 سەرباز دەمێننەوە

2021.12.10 - 11:02
App store icon Play store icon Play store icon
هەڵوێستێکى نوێ لە واشنتنەوە لەبارەى کشانەوە لەعێراق: 2500 سەرباز دەمێننەوە

ناس کورد-

 

فەرماندەى ناوەندى هێزەکانى ئەمەریکا رایگەیاند، واشنتن 2500 سەرباز لە عێراق دەهێڵێتەوە.

کەناڵی ناس کورد لە تێلیگرام جۆین بکە   

 

فرانک ماکینزی بە ئاژانسى ئەسۆشیەتید پرێسى راگەیاند، سەرەڕاى گۆڕانى ئەرکى هێزەکان لەشەڕکەرەوە بۆ راوێژکاریی، بەردەوام دەبن لەپاڵپشتى ئاسمانى و یارمەتیدانى سەربازى لەعێراق دژى داعش.

 

وتیشى "میلیشیکان دەیانەوێت سەرجەم هێزەکان لە عێراق بکشنەوە، بەڵام ناکشێنەوە، ئەوەش رەنگە لەکۆتایی ئەم مانگەدا کاردانەوەى لێبکەوێتەوە".

 

ماکینزی جەختیکردەوە، لەو بنکانە کشاونەتەوە کە پێویستیان پێ نییە، بەڵام عێراقییەکان هێشتا دەیانەوێت ئەمەریکا بمێنێتەوە.

 

دەشڵێت، چەکدارانى داعش هەڕەشەن لەعێراق و ئەو رێکخراوە بەردەوام لە خۆدروستکردنەوەدایە.

 

راوێژکارى ئاسایشى نیشتیمانى عێراق (9ی كانونی یەكەمی 2021) بەفەرمى کۆتایی هاتنى ئەرکى شەڕکردنى هێزەکانى هاوپەیمانى نێودەوڵەتى لەعێراق و کشانەوەیانى راگەیاند.  

  

قاسم ئەعرەجى لە تویتێکدا ئاماژەى بەوەکردووە، ئەمڕۆ گفتوگۆ لەگەڵ هاپەیمانان کۆتایی هاتووە کە ساڵى رابردوو دەستیپێکردبوو لەبارەى کۆتایی هاتنى ئەرکى شەڕکردنى هێزەکانیان.  

  

وتیشى بەفەرمى ئەرکى شەڕکردنى هاوپەیمانان لە عێراق کۆتایی هات و دەکشێنەوە، لەمەودوا لەبوارى مەشق و راوێژدا دەمێننەوە.