گه‌ڕان

Shadow Shadow
سیاسه‌تی

سبەینێ جێبەجێ دەکرێت

ناوەڕۆکی ڕێککەوتنی پێشمەرگە و سوپای عێراق ئاشکرا کرا

2021.12.04 - 18:16
App store icon Play store icon Play store icon
ناوەڕۆکی ڕێککەوتنی پێشمەرگە و سوپای عێراق ئاشکرا کرا

ناس کورد- 

ئەمینداری گشتی وەزارەتی پێشمەرگە ڕایگەیاند، له‌سبه‌ینێوه‌ ئۆپراسیۆنی هاوبه‌شی هێزه‌كانی پێشمه‌رگه‌ و سوپاسی عیراق به‌ پراكتیكی ده‌چێته‌ بواری جێبه‌جێكردنه‌وه‌، دەشڵێت، " پلانی نوێمان بۆ رووبه‌ڕووبوونه‌وه‌ی تیرۆرستان هه‌یه‌."

کەناڵی ناس کورد لە تێلیگرام جۆین بکە   

 

جه‌بار یاوه‌ر، ئه‌منیداری گشتیی وه‌زاره‌تی پێشمه‌رگه‌ (شەممە 4ی کانونی یەکەمی 2021) بە میدیای فەرمیی یەکێتی ڕاگەیاند، "  له‌كۆبوونه‌وه‌ی ئه‌مڕۆدا كه‌ فه‌رمانده‌كانی میحوره‌كانی 1 و 2 و 3 و 4 ی وه‌زاره‌تی پێشمه‌رگه‌ له‌گه‌ڵ فه‌رمانده‌ی ئۆپراسیۆنه‌ هاوبه‌شه‌كانی فێدراڵی عیراق به‌ڕێوه‌چوو، زۆر ئیجابی و ئه‌رێنی بوو." 

 

ئاماژەی بەوەشکردووە، "له‌كۆبوونه‌وه‌كه‌دا گفتوگۆیه‌كی تێروته‌سه‌ل كرا له‌سه‌ر ئه‌و رووداوانه‌ی له‌چه‌ند رۆژی رابردوو روویاندا، بۆیه‌ هه‌ردوولا رێككه‌وتین كه‌ هه‌ماهه‌نگی زیاتر له‌رێگه‌ی ئۆپراسیۆنی هاوبه‌ش و بۆسه‌ی هاوبه‌ش بكرێت."

 

باسی لەوەشکردووە، "ئه‌م هه‌ماهه‌نگییه‌ له‌ سبه‌ینێوه‌ له‌ دیاله‌ و كفری و قه‌ره‌ته‌په‌ و نزیك كه‌ركوك و چه‌ند ناوچه‌یه‌كی دیكه‌ ده‌ست پێده‌كات و هاوپه‌یمانانیش له‌كۆبوونه‌وه‌كه‌دا بووینان هه‌بوو، هه‌روه‌ها پشتیوانی و هاوكاری خۆیان راگه‌یاند." 

 

لە ڕاگەیەنراوێکدا فەرماندەیی ئۆپراسیۆنە ھاوبەشەکانی عێراق (شەممە 4ی کانونی یەکەمی 2021) ڕایگەیاند، "  کۆبوونەوەیەکی سەربازی و ئەمنی لەگەڵ وەزارەتی پێشمەرگە بەڕێوەچوو و لە کۆبوونەوەکەدا گفتوگۆکرا لەبارەی یەکخستنی هەوڵە ئەمنی و سەربازییەکان بۆ بەرپەرچدانەوەی هێرشە تیرۆریستییەکانی داعش و لێکتێگەیشتنی ئەمنی و سەربازی لە ناوچە سنورییەکانی نێوان هەرێم و ناوەند."   

  

ئاماژەی بەوەشکردووە، "لە کۆبوونەوەکەدا هەردوولا کۆک بوون لەسەر هاوکاری و هەماهەنگیی هێزەکان و یەکخستنی هەوڵەکان بۆ شەڕی تیرۆریستانی داعش و هەروەها بەردەوامبوون لە کۆبوونەوە دووقۆڵییەکانی نێوان سەرکردە سەربازییەکانی هەردوولا."