گه‌ڕان

Shadow Shadow
سیاسه‌تی

ڕێككەوتنی درەنگانی شەو

ئەحمەدی حاجی ڕەشید هۆكارەكانی دەرنەچوونەوەی دەخاتەڕوو

2021.12.02 - 13:24
App store icon Play store icon Play store icon
ئەحمەدی حاجی ڕەشید هۆكارەكانی دەرنەچوونەوەی دەخاتەڕوو

ناس كورد_

ئەحمەدی حاجی ڕەشید پەرلەمانتاری پێشوو كاندیدی ئەم خولە نوێیەی ئەنجومەنی نوێنەران چەند هۆكارێك بۆ دەرنەچوونی لە بازنەی سێی سلێمانی دەخاتەڕوو كە هەندێكیان ئاماژەیە بۆ پلانی لایەنێكی سیاسی یەكگرتووی ئیسلامی بەبێ ئەوەی ناوی ببات و ئەوەش دەخاتەڕوو هەندێك لێدوانی كۆمەڵ و پەیوەندیشی بە سەربەخۆكان هەر خراپ لەدژی بەكارهێنراوە.

کەناڵی ناس کورد لە تێلیگرام جۆین بکە   

 

ئەحمەدی حاجی ڕەشید لە پەیامێكدا (2ی كانونی یەكەمی 2021) كە وێنەی لای "ناس كورد هەیە، ئەنجامەكانی هەڵبژاردن ڕەت دەكاتەوە و باس لەوەش دەكات لە دادگا سكاڵا تۆمار دەكات بۆ هەڵوەشاندنەوەی.

 

لەبارەی هۆكاری دەرنەچوونیشی لە هەڵبژاردن جگە لە كەموكوڕییەكانی كۆمسیۆن و نەخوێندنەوەی پەنجەمۆر، ئەم هۆكارانەی خستووەتەڕوو:

 

* لەدوای بلاو کردنەوەی دەنگدانی تایبەت و بەدەستهێنانی پلەی دووەم لەو دەنگدانە هەندێ لایەنی سیاسی دور لە ئەخلاقی سیاسی و مۆراڵی حیزبی کەوتنە بانگەشەی ئەوەی کە کورسی دووەم یکلابوەتەوە بۆ کۆمەڵ ئیتر پێویستیان نییە دەنگیان پێبدرێت، کەدەیان کەس پەیوەندیان پێوە کردین کە ئەو فێڵەو چاوبەستەیان لێکراوە بۆ خستنی ئێمە .

 

* لایەنێکی سیاسی بە ڕێکەوتن و بەکرێگرتن لەگەڵ یەکێک لەهێزە نەیارەکانمان ڕێکەوتبوون و ماڵ بەماڵ دەگەڕان کەنابێت وهەرچییان کردوە نابێت بهێڵن (ئەحمەدی حاجی ڕەشید ) سەرکەوێت لەم پرۆسەیەدا بەبەڵگەی سەلمێنراو لامانە.

 

* هەڵگرتنی ژمارەیەکی زۆر دەنگی تایبەت و ئاڕاستەکردنیان لەڕۆژی دەنگدانی گشتیدا بۆ پارسەنگی باڵانسی لاسەنگی هەندێک کاندید لەدوو ناوچە زۆر بەئاشکرا دەرئەنجامەکانی گۆریوە و شاراوە نییە لامان .

 

* ڕێکەوتنی درەنگانی شەو لەئەنجامی خەراپ بەکارهێنانی لێدوانی هەندیک کەسایەتی کۆمەڵ و هاوڕێیەتی ئێمە لەگەڵ هەندێ لە دڵسۆزانی نیشتیمان، هەندێ دڵسۆزی پەشیمان کردبوەیەوە لەدەنگدان بەئێمە دوای ئەوەی ئەوبەڕێزانە هەستیان کردبوو لەپرۆسەکە شکست دێنن.

 

هۆکارە دەرەکیەکان بەتایبەت ڕێکارەكاني کۆمسیۆن:

یەکەم : کۆمسیۆن نەیتوانی مامەڵەیەکی تەندروست بکات لە ئاست تانەکان و ژماردنەوەی دەنگەکانی تەنها بۆ هەندێک تانە کردەوە .

 

دووەم : کۆمسیۆن هیچ ڕوونکردنەوەیەکی نەبوو سەبارەت بەدەنگدانی دووبارە چەندبارەو کە پارێزگای هەولێر لەئاستی یەکەمدا بوو لەدەنگدانی دووبارە .

 

سێهەم : بونی کێشەی نەخوێندنەوەی دەنگەکان لە دەزگای خێراکردنی ئەنجامەکان کەبە لە١٠٪ بەشداربوان مەزەندە دەکرێت .

 

چوارەم : دانەخستنی سندوقەکانی دەنگدان لەدوای کاتی خۆی لەهەندێ وێستە بەزیاتر لە کاتژمێر لەکاتێکدا دەستکاری دەنگدان تەنها چەند خولەکێکی دەوێت .

 

پێنجەم :بونی کێشە لە دەزگای پەنجەمۆرو کە گوایە تەنها نێرەرە (ارسال) کەلەدوایدا دەرکەوت ئەو دەزگایە بەشی وەرگریشی (استقبال) هەیە کۆمسیۆن بێدەنگی لێکردوە .

 

شەشەم : ئاشکراکردنی کۆمپانیا ئەڵمانیەکە (کۆمپانیای پشکنین) بە (٣) راپۆرتی پر وردەکاری و پێشکەشکردنی بەکۆمسیۆن و بێدەنگی کۆمسیۆن لەئاست ئەو هەموو گرفتانە ، کە ئەم دەزگایانە سەرکەوتوونابن و پاشان نابێت لە(٦) هەفتە پێش هەلبژاردن داتای تیدا خەزن بکرێت کەرۆژی دەنگدان کراوە و و دەزگای پەنجەمۆرەکەش هەموە پەنجەمۆری هاوڵاتیانی تیدا خەزن نەکراوە .

 

حەوتەم : ڕێژەی ئەو تەزویرەی کە پێی دەوتریت تەزویری سیبرانی و ئاڕاستەیەکی دیاری کراوی کردوەتە ئامانج و ئێمەو هاوڕێکانمان بوینەتە قوربانی ئەو تەزویرە چونکە خۆمان یەکلا نەکردەوە بۆ هیچ ئەجیندایەک و تەنها وەک نوێنەری ڕاستە قینە مامەڵەمان کردوە .

هەشتەم : شپرزبونی کۆمسیۆن پەشیمانبونەوەی چەندبارەی لەبڕیارەکانی گومانی لامان نەهێشت کە کۆمسیۆن بەشێکە لەکێشەکەو نەیتوانیوە بەسەرکەوتووی پرۆسەکە ئەنجام بدات .

نۆیەم : کۆمسیۆن بەفەرمی وەڵامی هیچ تانەیەکی پێڕانەگەیاندوین تا تانەی تر تۆماربکەین و بەنهێنی بابەتەکەیان هێشتەوە تا بڵاکردنەوەی ئەنجامەکان .

 

دەیەم : پشتگیری کردنی نوێنەری نەتەوەیەکگرتوەکان لەپرۆسەکە لەکاتێکدا نوێنەری وڵاتانی ئەوروپا تێبینی زۆریان هەبوو لەسەر پرۆسەکە ،ئەوەی سەلماند کە نوێنەری نەتەوە یەکگرتوەکان لە عێراق بەشێوەیەک لەشێوەکان بەشداربوو لەو ئاڵۆزیەو وتەکانی زیاتر لەوە دەچوون کە بەرپرسی کۆمسیۆن بێت نەک چاودێرێکی نێودەوڵەتی .

 

لەبەر ئەو خاڵانەی سەرەوە تەواوی ئەنجامەکان رەت دەکەمەوە لەئێستاشدا سەرقاڵی تۆمار کردنی سکاڵای یاسایین لەدادگای فیدڕاڵی بۆ هەڵوەشاندنەوەی ئەنجامەکان .