گه‌ڕان

Shadow Shadow
سیاسه‌تی

باسى لالەزار دەکات

بافڵ تاڵەبانى: 65%ى دەنگدەرى ئەم وڵاتە بێزیان نەهاتووە دەنگ بەحزبەکان بدەن

2021.11.30 - 23:08
App store icon Play store icon Play store icon
بافڵ تاڵەبانى: 65%ى دەنگدەرى ئەم وڵاتە بێزیان نەهاتووە دەنگ بەحزبەکان بدەن

ناس کورد-

 

بافڵ تاڵەبانى هاوسەرۆکى یەکێتى رایگەیاند، خەڵک ئومێدى بە حزبەکان نەماوە و 65% یان بێزیان نەهاتووە دەنگ بدەن بەهیچ حزبێک، ئەوەش زیاترە لە بێهیوایی و دەریدەخات رقیان لەحزبەکانە.

 

کەناڵی ناس کورد لە تێلیگرام جۆین بکە   

 

ئەو وتانەى بافڵ تاڵەبانى لەمیانەى کۆبونەوەکەیدا هات لەگەڵ بەشێک لە خوێندکارانى زانکۆ کە تایبەت بوو بە قسەکردن لەسەر خۆپیشاندانەکانى هەفتەى رابردوو، ئەوەش بەپێی تۆمارێکى دەنگى کە دزەى پێکراوە بۆ سۆشیال میدیا.

 

کچێکى بەشداربووى کۆبوونەوەکە بە بافڵ تاڵەبانى دەڵێت "چەند ساڵە ئێوە کێشەکانتان چارەسەر نەکردووە، بۆیە خەڵک ئومێدى بە حزبەکان نەماوە، ئەوە ئێمە ئومێدێکى دیکەش بەئێوە دەبەخشین، لەبەرئەوەى بەدیلمان نییە بۆ ئێوە، دەبێت چاکسازیی لەئێوە بکرێت، دەتوانن چاکسازى بکەن، ئەگەر نەکرا دەتوانن جێبهێڵن؟".

 

لە وەڵامدا بافڵ تاڵەبانى دەڵێت "لەخوامەوێت، کێشە تەنها نەبوونى متمانە نییە، خەڵک رقیان لێمانە، 65%ى دەنگدەرى ئەم وڵاتە بێزى نەهاتووە دەنگ بەیەک حزب بدات، ئەوە خراپترە لە ئومێد، خەڵک تاقەتیان چووە لەم دەموچاوانە، دەزانم خەڵک کە تەلەفزیۆن دەکاتەوە مەکتەب سیاسییەکى ئێمە ببینێت دەیگۆرێت".

 

دەشڵێت "لەهەشتى مانگەوە ئێمە خەریکى شێتخانەى لالەزار، هەڵبژاردن، دانوستان لەگەڵ بەغدا، پەیوەندى لەگەڵ وڵاتانین، لەکاتێک رێکخستن و مەکتەبەکانمان سفرن".