گه‌ڕان

Shadow Shadow
سیاسه‌تی

ئەعرەجی: شوێنی فڕینی ئەو فڕۆکەیانەمان دیاری کردووە کە هێرشیان کردووەتە سەر ماڵی کازمی

2021.11.29 - 18:09
App store icon Play store icon Play store icon
ئەعرەجی: شوێنی فڕینی ئەو فڕۆکەیانەمان دیاری کردووە کە هێرشیان کردووەتە سەر ماڵی کازمی

ناس کورد-

ڕاوێژکارى ئاسایشیی نیشتیمانیی عێراقی ڕایگەیاند، هێرشی سەر ماڵی مستەفا کازمیی سەرۆکوەزیران بە دوو فڕۆکەی بێفڕۆکەوان ئەنجام دراوە، بەڵام ئەو دوو لیژنەیە دەستگیرکراون کە لێکۆڵینەوەیان لە تەقەمەنییەکان کردووە چونکە "پەنجەمۆریان لە شوێنی ڕووداوەکە هەڵنەگرتووە." 

کەناڵی ناس کورد لە تێلیگرام جۆین بکە   

 

قاسم ئەعرەجی ئەنجامى لێکۆڵینەوەى لە هەوڵى تیرۆرکردنى مستەفا کازمیی سەرۆکوەزیران (29ی تشرینی دووەمی 2021) ڕاگەیاند، "دوو بۆمب نراوە بە ماڵی کازمییەوە، بەڵام یەکێکیان نەتەقیوەتەوە".

 

دەشڵێت، "لیژنەی لێکۆڵینەوە هیچ کەسێکی تۆمەتبار نەکردووە". 

 

ئەعرەجی باسی لەوەشکرد کە "تیمی پوچەڵکردنەوەی تەقەمەنی بە باشی کاری خۆی نەکردووە".

 

وتیشی، "کێشەکە لەوەدابووە کە ئەو بۆمبەی کە نەتەقیوەتەوە و لە سەربانی ماڵی سەرۆکوەزیران دۆزراوەتەوە یەکسەر هەڵگیراوەتەوە و براوەتە ئاوی دیجلە و تەقێنراوەتەوە." 

 

باسی لەوەشکرد کە "هەردوو فڕۆکەکە باکوری ڕۆژهەڵاتی بەغدا فڕیوە و شوێنەکەیمان دیاری کردووە."

 

بەگوێرەی ڕاگەیەنراوی وەزارەتی ناوخۆ، بەرەبەیانی ڕۆژی 7ی تشرینی دووەمی 2021، شوێنی مانەوەی مستەفا كازمی سەرۆك وەزیرانی عێراق لە ناوچەی سەوزی بەغدا بە سێ فڕۆكەی بێفڕۆكەوان دووچاری هێرشی موشەكی بوویەوە، لە ئەنجامیشدا هەندێك لە پاسەوانەكانی بریندار بوون.  

  

لەپاش هێرشەكە مستەفا كازمی لە پەیامێكی ڤیدیۆییدا دەركەوت و ڕایگەیاند، "ماڵەكەم دووچاری دوژمنكارییەكی ترسنۆكانە بووەتەوە، سوپاس بۆ خوا خۆم و ئەوانەی لەگەڵما كار دەكەن سەلامەتن".  

  

هەروەها وتیشی، فڕۆكەی بێفرۆكەوان و موشەكی ترسنۆكانە وڵات بنیات نانێن، ئێمە لە ڕێگای دەزگاكانی دەوڵەتەوە خەریكی بنیاتنانی دەوڵەتی خۆمانین، داوا لە هەموو لایەنەكانیش دەكەن دیالۆگ بكەن لە پێناو عێراق و ئایندەی عێراق.  

  

هەوڵی تیرۆركردنی كازمی پاش ڕۆژێك لە گرژییە ئەمنییەكانی بەردەم ناوچەی سەوز دێت كە تێیدا لایەنگرانی گروپە چەكدارەكانی نزیك لە ئێران و چەكدارە خۆپیشاندەرەكانیان دژی ئەنجامەكانی هەڵبژاردن، لەگەڵ هێزە ئەمنییەكان بەرەنگاربوونەوە و چەند كوژراو و بریندارێكی لێ كەوتەوە، بەدوایدا سەرانی گروپەكان هەڕەشەی توند و ڕاستەوخۆیان ئاراستەی مستەفا كازمی كرد.