گه‌ڕان

Shadow Shadow
سیاسه‌تی

زانیارى زیاتر

وەڵامێک لەناو فراکسیۆنى پارتى یەوە بۆ قوباد تاڵەبانى: شەقەکە زیاتر لە لێبوردنێکی دەوێت

2021.11.28 - 20:15
App store icon Play store icon Play store icon
وەڵامێک لەناو فراکسیۆنى پارتى یەوە بۆ قوباد تاڵەبانى: شەقەکە زیاتر لە لێبوردنێکی دەوێت

ناس کورد-

پەرلەمانتارێکى فراکسیۆنى پارتى وەڵامى قوباد تاڵەبانى دایەوە و رایگەیاند، شەق و زلەیان هەڵنەداوە لەسەری قوتابی تا داوای لێبوردن بکەن.

کەناڵی ناس کورد لە تێلیگرام جۆین بکە   

 

لیزا فەلەکەدین کاکەیی (28 تشرينى دووەمى2021) لەبڵاوکراوەیەکى کورتدا کە ئاڕاستەى قوباد تاڵەبانى کردووە نوسیویەتى "کاک قوباد، شەق و زلەمان هەڵنەداوە لەسەری قوتابی تا داوای لێبوردن بکەین!" تو ویژدانتان کامەی پێویستی بە داوای لێبوردنە؟".

 

دەشڵێت "هەستیار بوون بەرامبەر پیرۆزییەکان یان شەق هەڵدان لەسەری قوتابییەکی کۆلیژ؟!دڵنیابن ئەو شەقە زیاتر لە لێبوردنێکی دەوێت".

 

ئەوە لەکاتێکدایە قوباد تاڵەبانی, جێگری سەرۆکی حکومەتی هەرێم لە میانی کۆنفرانسی یەکسانی جێندەری و ستراتیژیی هێزی ژنان (یەکشەممە 28ی تشرینی دووەمی 2021) ڕایگەیاند "دەمەوێت باسی خۆپیشاندانی خوێندکاران بکەم کە لە چەند ڕۆژی ڕابردوودا لەبری ئەوەی لێیان نزیک بینەوە و لێیان تێبگەین و هەوڵی هێورکردنەوەیان بدەین، دەچین ڤیدیۆیەکی کۆن دەهێنین و خوێندکاران تۆمەتبار دەکەین بە سوکایەتیکردن بە ئاڵای کوردستان، بەبێ ئەوەی خۆمان ماندوو بکەین و ڕاستییەکە بزانین."   

  

 وتیشی "ئەم هەڵەیە نەک تەنها بەسەر حکومەت، بەڵکو بەسەر پەرلەمانیشدا تێپەڕی، بۆیە بچوکترین شت کە بتوانین بیکەین ئێستا ئەوەیە داوای لێبوردن لە خوێندکاران بکەین کە لە خۆپیشاندانەکاندا لە ئێمە زیاتر شانازییان بە ئاڵای کوردستانەوە کردووە."