گه‌ڕان

Shadow Shadow
سیاسه‌تی

دەڵێت: لەسەر قسەکەی خۆم سورم

قوباد تاڵەبانی داوای لێبوردن لە خوێندکاران دەکات

2021.11.28 - 18:14
App store icon Play store icon Play store icon
قوباد تاڵەبانی داوای لێبوردن لە خوێندکاران دەکات

ناس کورد- 

قوباد تاڵەبانی، جێگری سەرۆکی حکومەتی هەرێم ڕایگەیاند، داوای لێبوردن لە خوێندکاران دەکات کە کەوتوونەتە هەڵەوە و تۆمەتباریان کردوون بەوەی بێڕێزییان بە ئاڵای کورستان کردووە.

کەناڵی ناس کورد لە تێلیگرام جۆین بکە   

 

قوباد تاڵەبانی, جێگری سەرۆکی حکومەتی هەرێم لە میانی کۆنفرانسی یەکسانی جێندەری و ستراتیژیی هێزی ژنان (یەکشەممە 28ی تشرینی دووەمی 2021) ڕایگەیاند، "ئەمساڵیش دەیڵێمەوە پەشیمان نیم لەو قسەیەی کە دوو ساڵ بەر لەئێستا وتم، پیاوبە و توندوتیژی دژی ژنان ڕاگرە، چونکە پێموایە دەبێت لە واقیعی کۆمەڵگەی خۆمان تێبگەین ئەوکات دەتوانین کێشەکان چارەسەر بکەین." 

 

ئاماژەی بەوەشکرد، "دەمەوێت باسی خۆپیشاندانی خوێندکاران بکەم کە لە چەند ڕۆژی ڕابردوودا لەبری ئەوەی لێیان نزیک بینەوە و لێیان تێبگەین و هەوڵی هێورکردنەوەیان بدەین، دەچین ڤیدیۆیەکی کۆن دەهێنین و خوێندکاران تۆمەتبار دەکەین بە سوکایەتیکردن بە ئاڵای کوردستان، بەبێ ئەوەی خۆمان ماندوو بکەین و ڕاستییەکە بزانین." 

 

جێگری سەرۆکی حکومەت وتیشی، "ئەم هەڵەیە نەک تەنها بەسەر حکومەت، بەڵکو بەسەر پەرلەمانیشدا تێپەڕی، بۆیە بچوکترین شت کە بتوانین بیکەین ئێستا ئەوەیە داوای لێبوردن لە خوێندکاران بکەین کە لە خۆپیشاندانەکاندا لە ئێمە زیاتر شانازییان بە ئاڵای کوردستانەوە کردووە."