گه‌ڕان

Shadow Shadow
سیاسه‌تی

بزانە باسی چی دەکەن

مەکتەبی سیاسیی یەکێتی لە کۆبوونەوەدایە

2021.11.27 - 16:26
App store icon Play store icon Play store icon
مەکتەبی سیاسیی یەکێتی لە کۆبوونەوەدایە

ناس کورد- 

بەگوێرەی میدیاکانی یەکێتی، مەكتەبی سیاسیی یەكێتیی نیشتمانیی كوردستان بە سەرپەرشتیی بافڵ جەلال تاڵەبانی لە ‏كۆبوونەوەدایە و چەند پرسێک تاووتوێ دەکەن

کەناڵی ناس کورد لە تێلیگرام جۆین بکە   

 

میدیاکانی یەکێتی (شەممە 27ی تشرینی دووەمی 2021) بڵاویانکردەوە، لە کۆبوونەوەکەدا پرسە ناوخۆییەكانی حزبەكە و هەرێمی كوردستان و هەروەها پێكهێنانی حكومەتی نوێی ‏عێراق و دروستكردنی شاند بۆ گفتوگۆ، تاووتوێ دەکرێت.

 

لەدوای کوژرانی موراد کانی کوردەیی، بەرپرسی سەربازیی یەکێتیی نیشتیمانیی کوردستانی نزیک لە لاهور شێخ جەنگی لە شەوی (25ی تشرینی دووەمی 2021) کێشە ناوخۆییەکانی یەکێتی پەرەسەندنی بەخۆیەوە بینیوە و شەڕی میدیایی بافڵ تاڵەبانی و لاهور شێخ جەنگی دەستیپێکردووەتەوە. 



زیاتر بخوێنەرەوە: لێدوانێک لەناو سەرکردایەتیی یەکێتییەوە لەبارەی کوژرانی موراد کانی کوردەیی

 

 

لاهور شێخ جەنگی، هاوسەرۆکی یەکێتی لەبارەی رووداوەکەوە ڕایگەیاند، "ئێمە تا ئێستاش ئێوەمان بە برا و هەڤاڵی خۆمان زانیوە، بەڵام بەداخەوە دیارە ئێمە هەڵە بووین، بۆیە دەمەوێت دڵنیابن ئێمە توانای ئەوەمان هەیە دەرگای دۆزەخ بەسەر نەیارەکانماندا بکەینەوە و لەناو ئاگرەکەیدا هەموو سیناریۆچییەکان و کودەتاچییەکان هەڵپڕوکێنین".

 

ڕاشیگەیاند، "داوا لە کەسوکار و بنەماڵەی شەهیدەکان دەکەم دانبەخۆیاندا بگرن و هیچ پەرچەکردارێک نەنوێنن تا ئەوکاتەی دڵنیادەبنەوە کە لێکۆڵینەوە ناکرێت و ئەنجامدەرانی ئەم کارە دەستگیر ناکرێن و یاسا لەم کەیسەدا پشتگوێ دەخرێت."