گه‌ڕان

Shadow Shadow
سیاسه‌تی

نوێ

حیزبوڵڵا: چەک ڕاماڵین دەبێت لە پێشمەرگەوە دەست پێ بکات

2021.11.18 - 21:11
App store icon Play store icon Play store icon
حیزبوڵڵا: چەک ڕاماڵین دەبێت لە پێشمەرگەوە دەست پێ بکات

ناس کورد- 

لە وەڵامی وتارەکەی موقتەدا سەدر کە داوای ڕاماڵینی چەکی لە گروپە چەکدارەکان کردووە وەک پێشمەرجێک بۆ بەشداریکردن لە کابینەی نوێی حکومەت، وتەبێژی سەربازیی کەتیبەکانی حزبوڵا لە تویتێکدا باسی چەکەکانی پێشمەرگە و سەدڕ دەکات و دەڵێت، چەک ڕاماڵین دەبێت لە پێشمەرگەوە دەست پێ بکات.

کەناڵی ناس کورد لە تێلیگرام جۆین بکە   

 

ئەبو عەلی عەسکەری، وتەبێژی سەربازیی کەتیبەکانی حزبوڵڵا لە تویتێکدا (پێنجشەممە 18ی تشرینی دووەمی 2021) ڕایگەیاند، "ئێمە لەگەڵ ئەوەداین کە چەک لە دەستی دەوڵەتدا بێت، بەڵام بەو مەرجەی ئەو کەسەی داوای ئەوەی کردووە (موقتەدا سەدڕ) لە خۆیەوە دەستپێبکات و بەتایبەتی ڕادەستکردنی چەکە قورسەکانی." 

 

ئاماژەی بەوەشکردووە، "لەدوای ئەو هەنگاوە،لە هەنگاوی دووەمدا پێویستە میلیشیا گەورەکە کە پێشمەرگەیە و 160 هەزار چەکداری هەیە و خاوەنی چەندین چەکی نوێیە، چەکەکانی ڕادەستی دەوڵەت بکات." 

 

ئەبو عەلی عەسکەری لە خاڵی سێیەمیشدا ئەوەی خستووەتەڕوو، "ئەگەر ئەو هەنگاوانە جێبەجێکران ئەوا ئێمەش هاوکار دەبین بۆ ڕادەستکردنی چەک بە دەوڵەت." 

 

موقتەدا سەدر، ڕێبەری ڕەوتی سەدر پەیامێکی ئاڕاستەی لایەنە شکستخواردووەکانی هەڵبژاردن کرد و ڕایگەیاند، ئەگەر بەردەوام بن لەم کارەی ئێستایان مێژووی خۆیان دەسڕنەوە، هاوکات پێنج مەرجیشی بۆ دیاریکردن بۆ بەشداریکردن لە حکومەت و دەڵێت، دەبێت گروپە میلیشیاییەکان هەڵبوەشێنەوە و حەشدی شەعبیش پاک بکرێتەوە.   

 

زیاتر بخوێنەرەوە: پەیامێکی توند لە سەدڕەوە بۆ لایەنە شکستخواردووەکانی هەڵبژاردن

 
me_ga.php?id=4753