گه‌ڕان

Shadow Shadow
سیاسه‌تی

وردەکاریی

پەروەردە دێتە سەر هێڵى لێکۆڵینەوە لەگیان لەدەستدانى مامۆستا نێرگز

2021.11.18 - 13:48
App store icon Play store icon Play store icon
پەروەردە دێتە سەر هێڵى لێکۆڵینەوە لەگیان لەدەستدانى مامۆستا نێرگز

ناس کورد-

 

وەزیرى پەروەردەى هەرێم رایگەیاند، بەدواداچوون دەکەن بۆ دۆسیەى گیان لەدەستدانى مامۆستا نێرگز کە کۆتایی مانگى رابردوو لەسلێمانى گیانى لەدەستدا و کەسوکارەکەى گومان دەکەن هۆکارەکەى وەرگرتنى ڤاکسین بووبێت.

کەناڵی ناس کورد لە تێلیگرام جۆین بکە   

 

ئالان حەمە سەعید (18ی تشرینی دووەمی 2021) بە "ناس کورد" ى راگەیاند "ئەو لیژنەیەى لەلایەن تەندروستییەوە پێکهێنراوە بۆ لێکۆڵینەوە لە گیان لەدەستدانى ئەو مامۆستایە، هێشتا نەگەیشتووەتە ئەنجامى تەواو لەو بارەیەوە، ئێمەش بەدواداچوون بۆ دۆسیەکە دەکەین".

 

کۆتایی مانگى رابردوو ژنە مامۆستایەک لەسلێمانى گیانى لەدەستدا و کەسوکارەکەشى هۆکارەکەیان بۆ وەرگرتنى ڤاکسین گەڕاندەوە، تەندروستى سلێمانیش لیژنەیەکى لێکۆڵینەوەى پێکهێنا بۆ زانینى هۆکارى گیان لەدەستدانى.  

 

هێرش سەلیم جێگرى بەڕێوەبەرى گشتى تەندروستى سلێمانى (4ی تشرینی دووەمی 2021)  لەلێدوانێکیدا بۆ "ناس کورد" وتى "مامۆستا نێرگز دواى دۆزى دووەمى ڤاکسین ئەو گۆڕانکارییە بەسەر تەندروستدیا هاتووە، نازانین ئایا نیشانەى کۆرۆناى هەبووە ئەوکاتە یاخود نا، ئەنجامى پشکنینەکان چییە لەو بارەیەوە، چاوەڕوانى لێکۆڵینەوەى تەواوین بۆ زانینى هۆکارى گیان لەدەستدانى".  

  

وتیشى "دەستمان کردووە بە لێکۆڵینەوە و سەرجەم زانیارییەکان لەبارەى تەندروستى ئەو مامۆستایەوە پێش گیان لەدەستدانى کۆدەکەینەوە، هەرچەندە لێکۆڵینەوە لەو بابەتە سەختە، بەهۆى ئەوەى حاڵەتى لەو شێوەیە زۆر دەگمەنە".