گه‌ڕان

Shadow Shadow
سیاسه‌تی

گۆڕان و یەکگرتوو

وەزیرێکى پێشوو وەزیرێکى ئێستا دەداتە دادگا

2021.11.18 - 00:12
App store icon Play store icon Play store icon
وەزیرێکى پێشوو وەزیرێکى ئێستا دەداتە دادگا

ناس کورد-

 

وەزیرى پێشووى کارو کاروباری کۆمەڵایەتی هەرێم سکاڵاى یاسایی لەسەر وەزیرى ئێستاى وەزارەتەکە تۆماردەکات، بەهۆى لێدوانەکانییەوە لەبارەى بڕینى موچەى چاودێرى خێزان.

کەناڵی ناس کورد لە تێلیگرام جۆین بکە   

 

محەمەد هاودیانى کە لەپشکى یەکگرتوو لەکابینەى پێشوو ئەو پۆستەى وەرگرتبوو لەرونکردنەوەیەکدا، کوێستان محەمەد وەزیرى  کارو کاروباری کۆمەڵایەتی کە لەپشکى گۆڕان ئەو پۆستەى وەرگرتووە بە "چەواشەکاریی" تۆمەتبار دەکات و دەڵێت سکاڵاى یاسایی لەسەر تۆماردەکات.




دەقی ڕوونكردنەوەكە:

 

روونکردنەوەیەک لە، د.محمد هاودیانی وەزیری پێشووی وەزارەتی کارو کاروباری کۆمەڵایەتی:

 

ئەمە جاری یەکەم نییە وەزیری ئێستای وەزارەتی کارو کاروباری کۆمەڵایەتی لێدوانی چەواشەکارانە دەدات سەبارەت بە وەزیری پێش خۆی، لە دوا لێدوانەکانی بۆ دەزگاکانی ڕاگەیاندن، لە باسی بڕینی مووچەی چاودێری خێزان، ئەم کارەی داوەتە پاڵ بەندە، بۆیە بۆ رای گشتی ڕادەگەینم کە:

 

یەکەم: بەهیچ جۆرێک من مووچەی چاودێری خێزانم نەبڕیوە، بەڵکو ئەنجوومەنی وەزیران بە بڕیاری ژمارە (١٥١٥) لە ٥/٤/٢٠١٦ مووچەکەیان بڕیوە.

 

دووەم: جێی سەرسوڕمانە وەزیرێک زانیاری لەسەر وەزارەتەکەی و بڕیارەکانی نەبێت و، بەبێ بوونی بەڵگەی یاسایی تۆمەت ببەخشێتەوە.

سێیەم: مافی یاسایی خۆم دەپارێزم بە جوڵاندنی سکاڵای یاسایی لە دادگای لێکۆلینەوە بەرامبەر ئەو تەشهیرانەی بەردەوام لەلایەن وەزیری ئاماژەپێكراو بەرامبەرم دەکرێت.

 

چوارەم: من پەروەردەی دەستی یەکگرتووی ئیسلامی کوردستانم، کە خاوەنی گەورەترین سەروەرییە لە یارمەتیدان و بەهاناوەچوونی هەژاران و یارمەتیدانیان، چۆن بڕیارێکی لەو شێوە دەدەم، ئەوە خەڵکی ترە کەوا دڵی ژان ناکات بۆ خەڵکی کوردستان و لە زامی گەلەکەی تێناگات.

 

د محمد هاودیانی

وەزیری پێشووی کارو کاروباری کۆمەڵایەتی