گه‌ڕان

Shadow Shadow
سیاسه‌تی

وردەکاریی

’’35 کورسی’’..ئۆفەرى سەدر بۆ حەکیم ئاشکراکرا

2021.11.16 - 23:30
App store icon Play store icon Play store icon
’’35 کورسی’’..ئۆفەرى سەدر بۆ حەکیم ئاشکراکرا

ناس کورد-

 

رەوتى حیکمە بەسەرۆکایەتى عەممار حەکیم ئاشکرایکرد، رەوتى سەدر و چوارچێوەى هەماهەنگى ئۆفەریان خستووەتە بەردەم رەوتەکەیان، بەجۆرێک سەدرییەکان ئامادەییان نیشانداوە کورسییەکانیان لەگەڵیاندا بەش بکەن.

 

کەناڵی ناس کورد لە تێلیگرام جۆین بکە   

 

نوفل ئەبو رەغیف وتەبیژى رەوتى حیکمە (16ی تشرینی دووەمی 2021) لە چاوپێکەوتنێکى تەلەفزیۆنیدا رایگەیاند، رەوتى حیکمە لەهەردوولاوە ئۆفەرى خراوەتە بەردەست، بۆ بەشدارى لە حکومەتى داهاتوو.

 

وتیشى "سەدر و وەفدى دانوستانکارى بەدەق پێیان وتووین کە ئامادەین بۆ بەشکردنى ئەو کورسیانەى بەدەستیان هێناوە، بەشێوەیەک سەیرى حیکمە ناکەن کە چوار بۆ پێنج کورسی بەدەستهێنابێت، بەڵکو بەپێی قەبارەى خۆیان سەیریان دەکەن".

 

ئەبو رەغیف باسى لەوەشکرد، سەدر و وەفدەکەى بە حەکیمیان وتووە "ئێوە وابزانن 35 کورسیتان هەیە".

 

هەروەها رەتیکردەوە ئەو زانیاریانەى لەبارەى دەستپێشخەرى حەکیمەوە دزەیپێکراوە بەتەواوى راست بن، هەرچەندە دژایەتى بۆ بەندەکانى دەستپێشخەرییەکە رانەگەیاند.

 

دەستپێشخەرییەکە کە دزەیپێکراوە بۆ میدیاکان، پێکهێنانى حکومەتێک بەسەرۆکایەتییەکى تەوافوقى لەخۆدەگرێت بە پشتبەستن بە "دەنگ لەبرى کورسی"، ئامادەکاریی بۆ هەڵبژاردنى پێشوەختەى دیکە، رادەستکردنى پۆستى جێگرى سەرۆکى پەرلەمان بە چوارچێوەى هەماهەنگى بۆ پاراستنى حەشدى شەعبى.