گه‌ڕان

Shadow Shadow
سیاسه‌تی

فەڕەنسا و ڕوسیا لەبارەى قەیرانی کۆچبەرانی سنوری بیلاڕوسیا ڕێککەوتن

2021.11.15 - 21:27
App store icon Play store icon Play store icon
فەڕەنسا و ڕوسیا لەبارەى قەیرانی کۆچبەرانی سنوری بیلاڕوسیا ڕێککەوتن

ناس کورد-

سەرۆکایەتی کۆماری فەڕەنسا ڕایگەیاند، ئیمانوێل ماکرۆنی سەرۆککۆمار لەگەڵ ڤلادیمێر پوتین، سەرۆکی ڕوسیا قسە کردووە و هەردولا "ڕێککەوتن لەسەر کەمکردنەوەى گرژییەکان کە بەهۆی قەیرانی کۆچبەرانەوە لەسەر سنوری بیلاڕوسیا و پۆڵەندا دروستبووە."

کەناڵی ناس کورد لە تێلیگرام جۆین بکە   

 

بەپێی ڕاگەیەنراوی کۆشکی ئێلیزێ، 15ی تشرینی دووەمی 2021، "هەردوولا رێککەوتن لەسەر کەمکردنەوەى گرژییەکان هەرچەندە هەردوولا لەسەر ئەصڵی قەیرانەکە ناکۆکن."

 

دەشڵێت، "پەیوەندییەکە یەک کاتژمێر و 45 خولەکی خایاندووە و ئامانج لێی کۆتایی هێنان بووە بە قەیرانەکە."

 

هاوکات ئەمڕۆ پۆڵەندا ڕایگەیاند، مانگی داهاتوو دەستدەکەن بە دروستكردنی دیوار لەسەر سنوری بێلاروسیا.

 

ماریوسز کامینسکی، وەزیری ناوخۆی پۆڵەندا لە تویتێکدا (15ی تشرینی دووەمی 2021) دەڵێت، "پۆڵەندا لە ناوەڕاستی مانگی کانونی یەکەم دەست دەکات بە دروستکردنی دیوارێک لە درێژایی سنوری بیلاڕوسیا و لە نیوەی یەکەمی ساڵی داهاتوو پڕۆژەکە کۆتایی دێت."

 

دیوارەکە 112 میل دەبێت و نزیکەی 407 ملیۆن دۆلاری تێدەچێت، بڕیارە 24 کاتژمێر کاری تێدا بکرێت.

 

ماریوسز کامینسکی لە تویتەکەیدا دەڵێت، "ئێمە پێویستە ئەو پڕۆژە ستراتیژی و گرنگە ئەنجام بدەین بۆ پاراستنی نەتەوە و هاوڵاتیانی خۆمان."

 

قەیرانی گردبوونەوەى کۆچبەران، کە بەشێکی زۆری خەڵکی عێراق و هەرێمی کوردستانن، لەسەر سنوری بیلاڕوسیا و پۆڵەندا ڕای گشتی و میدیا جیهانییەکانی بەخۆیەوە سەرقاڵ کردووە، پۆڵەندا ڕەتی دەکاتەوە سنور بکاتەوە و بیلاڕوسیاش وەریان ناگرێتەوە.

 

لەئێستادا کۆچبەران لە دۆخێکی قورسی دەرونی و زستانێکی سەختدا دەژین، تائێستا دوو کۆچبەری خەڵکی هەرێمی کوردستان لەسەر سنور گیانیان لەدەستداوە.

 

عێراق بڕیاری داوە گەشتی خۆڕایی بۆ گێڕانەوەى ئەو کۆچبەرانە دابین بکات.