گه‌ڕان

Shadow Shadow
سیاسه‌تی

وردەکاری و ناوەڕۆکی کۆبوونەوەی مەسعود بارزانی بافڵ تاڵەبانی ئاشکرا کرا

2021.11.15 - 15:47
App store icon Play store icon Play store icon
وردەکاری و ناوەڕۆکی کۆبوونەوەی مەسعود بارزانی بافڵ تاڵەبانی ئاشکرا کرا

 ناس کورد- 

بافڵ تاڵەبانی و مەسعود بارزانی لە سەلاحەدین کۆبوونەوە و تاوتووێی دواین پێشھاتە سیاسی، ئەمنی و ئابوورییەکانی ھەرێم و عێراق و ناوچەکەیان کرد و بەشداری کورد لە حکومەتی داھاتووی عێراق و رووبەڕووبوونەوەی ئاڵنگارییە سیاسییەکان بەوردی گفتوگۆی لەبارەوە کرا.

کەناڵی ناس کورد لە تێلیگرام جۆین بکە   

 

بەپێی ڕاگەیەنراوی نوسینگەی بافڵ تاڵەبانی (15ی تشرینی دووەمی 2021)، لە کۆبوونەوەکەدا دوای ھەڵسەنگاندنی دۆخی گشتی و پرسە هەنووكەییەكان، "جەخت لە یەکڕیزیی نیشتمانی کورد و یەکخستنی ھەوڵەکان بۆ چارەسەرکردنی کێشەکان، خزمەتکردنی خەڵكی كوردستان کرا."

 

دەشڵێت، "لە بەشێکی دیکەی کۆبوونەوەکەدا قۆناغی نوێی عێراق و دوای ھەڵبژاردنەکان ھەڵوەستەی لەسەر کرا و گرنگی یەک گوتاری کورد لە بەغدا بە پێویست زانرا و پەرۆشی یەکێتیی نیشتمانیی کوردستان و پارتی دیموکراتی کوردستان بۆ یەکڕیزی و تەبایی ماڵی کورد دووپاتکرایەوە و جەختکرایەوە لەسەر پرۆژەیەکی ھاوبەشی نیشتمانی لەسەر بنەمای بەرژەوەندی نەتەوەیی بۆ کۆی پرسە سیاسییەکان و داڕشتنی بەرنامەیەكی هاوبەشی هەردوولا بۆ مامەڵەكردن لەگەڵ پرسی پێكهێنانی حكومەتی داهاتووی عێراق و چەسپاندنی پرەنسیپی شەراكەت لە حوكمڕانی و جێبەجێكردنی داواكاریی هاوڵاتیان و بەدیهێنانی سەقامگیری".