گه‌ڕان

Shadow Shadow
سیاسه‌تی

زانیاریی زیاتر

هۆکاری قورسی و سوکی نیشانەکانی کۆرۆنا لە کەسێکەوە بۆ کەسێکی تر ئاشکرا کرا

2021.11.13 - 11:59
App store icon Play store icon Play store icon
هۆکاری قورسی و سوکی نیشانەکانی کۆرۆنا لە کەسێکەوە بۆ کەسێکی تر ئاشکرا کرا

ناس کورد-

چەند توێژەرێك گەیشتنە ئەو ئەنجامەی جیاوازی نیشانەكانی توشبوون بە كۆرۆنا لە كەسێكەوە بۆ كەسێكی تر دەگەڕێتەوە بۆ جیاوازی جینەكانیان.

کەناڵی ناس کورد لە تێلیگرام جۆین بکە   

 

بەگوێرەی ڕاپۆرتێكی كەناڵی ئەلعەرەبی لەندەنی كە "ناس كورد" بینیویەتی (13ی تشرینی دووەمی 2021) سەرەتای ئەم تێبینییە لە جیاوازی نیشانەكانی توشبوان لە نێوان كەمایەتییە بە ڕەگەز بیانییەكانی نیشتەجێی بەریتانیا و دانیشتوانی سپی پێستی وڵاتەكەوە هاتووە، كە بیانییەكان نیشانەكانیان قورستر بووە لەچاو ئەوان.

 

زانا پزیشكییەكان باوەڕیان وایە جینەكانی"LZTFL1" و "SLC6A20" بەرپرسن لە قورسكردنی نیشانەكانی كۆرۆنا، بەڵام زانایانی ئۆكسفۆرد باس لەوە دەكەن جینی "LZTFL1" بەرپرسە و 60%ی خەڵكی باشوری ئاسیاش هەڵگری ئەو جینەن بەڵام لە ناو ڕەشپێستەكان 15% و لەناو ئەفەریقییەكان 2%.


جینی بەپرس لە قورسكردنی نیشانەكانی كۆرۆنا لە ڕوپۆشیی سییەكاندایە و بەرپرسە لە پاڵفتەكردنی هەوا بەر لە گەیشتنی بۆ سی، بەم پێیەش جینێكی پێویستە بۆ هەناسەدانی تەواو، هەندێك جار ئەو جینانەش بەرهەمی وەهایان هەیە لە پرۆتین كە یارمەتیدەری ڤایرۆسی كۆرۆنایە بۆ گەشەكردن.


زانایان پێیان وایە گرنگی ئەم توێژینەوەیە لەوەدایە دەكرێت چارەسەرەكان لەبری سیستمی بەرگری لەش ئاراستەی سییەكان و هەناسەدان بكرێن.