گه‌ڕان

Shadow Shadow
سیاسه‌تی

بەپەلە

کۆچبەرانی سنوری پۆڵەندا ئاهەنگ و شایی دەگێڕن ’’هەواڵی خۆشمان پێدرا’’

2021.11.12 - 19:33
App store icon Play store icon Play store icon
کۆچبەرانی سنوری پۆڵەندا ئاهەنگ و شایی دەگێڕن ’’هەواڵی خۆشمان پێدرا’’

ناس کورد- 

کۆچبەرانی سنوری نێوان بیلاڕووسیا و پۆڵەندا ئاهەنگ دەگێڕن و دەڵێن، پێیان وتراوە کە ڕۆژی دووشەممە سنوریان بۆ دەکەنەوە و ڕێگەیان پێدەدەن بچنە وڵاتی ئەڵمانیا.

کەناڵی ناس کورد لە تێلیگرام جۆین بکە   

 

بەگوێرەی چەند گرتەیەکی ڤیدیۆیی کە کۆچبەرانی کورد (هەینی 12ی تشرینی دووەمی 2021) لە سنوری وڵاتی پۆڵەندا بڵاویانکردووەتەوە و "ناس کورد" بینویەتی، کۆچبەرەکان ئاهەنگ و شایی دەگێڕن و بەوتەی خۆیان پێیان وتراوە، سنوریان بۆ دەکرێتەوە. 

 

ئەو کۆچبەرانە دەڵێن، پاسەوانانی سەر سنور پێیان وتوون، دەکشێنەوە  و ڕۆژی دووشەممە 15ی تشرینی دووەمی 2021، ڕێگەیان پێدەدرێت بچنە وڵاتی پۆڵەندا و لەوێشەوە بەرەو ئەڵمانیا بچن. 

 

لە بەرامبەردا ڕۆژنامەنوسی ئاگادار لە پرسی پەنابەران لە بەلجیکا ئاراس مەلا حەسەن بە "ناس کورد"ی وت، "هەواڵەکە کەمێک سەیرە و نازانین کێ وای بە پەنابەران وتوو، چونکە ئەمڕۆ سەرۆکی پۆڵەندا لەسەر سنور بووە و سوپاسی سەربازانی وڵاتەکەی کردووە بۆ پاراستتنی سنورەکان." 

 

وتیشی، "ئەو هەواڵەی بە کۆچبەران وتراوە فەرمیی نییە و هێشتا دیارنییە بڕیارێکی فەرمیی لەوشێوەیە هەیە یاخود نا."