گه‌ڕان

Shadow Shadow
سیاسه‌تی

ڤاكسینەكان بەس نین

دڵنیایی تەندروستی جیهانی لەبارەی ڤاكسینی سینۆفارمی چینی

2021.11.12 - 11:13
App store icon Play store icon Play store icon
دڵنیایی تەندروستی جیهانی لەبارەی ڤاكسینی سینۆفارمی چینی

ناس كورد_

توێژینەوەكانی چەند وڵاتێك ئاشكرای دەكات وەرگرتنی دوو ژەمە ڤاكسینی سینۆفارمی چینی لەماوەی 21 ڕۆژدا بەرێژەی 79% كاریگەرە دژی كۆرۆنا.

کەناڵی ناس کورد لە تێلیگرام جۆین بکە   

 

بەگوێرەی داتاكانی ڕێكخراوی تەندروستی جیهانی كە "ناس كورد" بەدواداچوونی بۆ كردووە (12ی تشرینی دووەمی 2021)، جیاوازی كاریگەریی سینۆفارم زیاتر لەوەدایە كە رەنگە كەمتربێت بۆ ئەوانەی نەخۆشی درێژخایەنیان هەیە یان تەمەنیان سەروو 60 ساڵە، بەڵام هێشتا ئەوەش پشت ڕاست نەكراوەتەوە چونكە تاقیكردنەوەی پێویست بەردەست نییە.

 

رێكخراوی تەندروستی جیهانی جەخت لەوەش دەكاتەوە سەرباری كاریگەریی ڤاكسینەكان، هێشتا پێویستە خەڵك ماسك بپۆشن، دوورەپەرێزی كۆمەڵایەتی ڕەچاو بكەن، دەستەكانیان بشۆن، لە كاتی پژمەدا دوور بكەونەوە، قەرەباڵغی دروست نەكەن و هەوا گۆڕكێ دابین بكەن لە شوێنە داخراوەكان.

 

توێژینەوەیەكی نوێ ئاشكرای دەكات وەرگرانی پێكوتەی ڤایزەر و ئەسترازینیكا زۆر زیاتر لە توشبووانی كۆرۆنا دژە تەن لە جەستەیاندا هەیە پاش باش بوونەوە.  

 

توێژینەوەكە كە لە گۆڤاری "Scientific Reports " بڵاوكراوەتەوە و "ناس كورد" پوختەیەكی بینیوە (12ی تشرینی دووەمی 2021) ئەوەش ئاشكرا دەكات ئەوانەی ئەم دوو جۆرە ڤاكسینەیان وەرگرتووە بەرگرییان هەیە بەرامبەر گۆڕاوەكانی كۆرۆناش بەتایبەت دەلتا.  

  

سەرپەرشتیارانی توێژینەوەكە باس لەوەش دەكەن خەڵكانی بەتەمەن زیاتر لە گەنجان دژە تەنیان لە جەستەیاندا بەرهەمهێناوە.