گه‌ڕان

Shadow Shadow
سیاسه‌تی

زانیارى زیاتر

’’ئەنجامى پێچەوانە’’..یەکەم کاردانەوە لەسەر ناردنى شاندى پەرلەمان بۆ بیلاروسیا

2021.11.09 - 20:05
App store icon Play store icon Play store icon
’’ئەنجامى پێچەوانە’’..یەکەم کاردانەوە لەسەر ناردنى شاندى پەرلەمان بۆ بیلاروسیا

ناس کورد-

 

سەرۆکى فراکسیۆنى کۆمەڵى دادگەرى داواى لەپەرلەمانتارانى دەسەڵات کرد خۆیان بەدوربگرن لە چونیان بۆ لاى کۆچبەران لەسنورى بیلاروسیا و دەڵێت سەردانەکە ئەنجامى پێچەوانەى دەبێت.

کەناڵی ناس کورد لە تێلیگرام جۆین بکە   

 

عەبدولستار مەجید (9 ى تشرينى دووەمى 2021) لە راگەیەنراوێکدا رایگەیاند، " باشترە دەسەڵات و پەرلەمانتارەکانیان خۆیان لە چوون بۆلای پەنابەران بپارێزن، چونکە هەم نەویستراون هەم ڕەنگە پێشوازیلێکردنیان پێچەوانەی چاوەڕوانییەکانیان بێت ! هیچ نەبێت لێیانگەڕێن لە ئاوارەییدا گوێیان لە درۆ نەبێت".

 

دەقى راگەیەنراوەکە:

 

لێیانگەڕێن ئەوان لەداخی ئێوە کۆچیان کرد !

بەحساب سەرۆکایەتی پەرلەمان بڕیاری ناردنی لیژنەیەکی پەرلەمانیی داوە بۆ سنورەکانی پۆڵەندا و بێلاڕوسیا بۆ ئاگاداربوون لە ڕەوشی پەنابەران !

 

با ئەوە لەولاوە بوەستێ کە ئەم سەرۆکایەتییەی پەرلەمان کارێکیان کردووە کە شکۆی پەرلەمانیان شکاندووە و ئەجێندا و خواستی حزبییش، هیچ ڕۆڵ و دەسەڵاتێکی بۆ نەهێشتۆتەوە بۆیە هیچ پەیوەندییەکیان بە خەم و خواست و کێشەی خەڵکەوە نیە، ئەو خەڵکەشی کە کۆچدەکات و ڕێگەی ئاوارەیی دەگرێتەبەر، لەوپەڕی بێهیوابووندا ئەو بڕیارەیانداوە و لەداخ و خەمی گەندەڵیی و ناعەدالەتیی و ستەمکارییدا لە وڵات هەڵاتوون .

 

بۆیە بەوپەڕی قەناعەتەوە دەڵێم، باشترە دەسەڵات و پەرلەمانتارەکانیان خۆیان لە چوون بۆلای پەنابەران بپارێزن، چونکە هەم نەویستراون هەم ڕەنگە پێشوازیلێکردنیان پێچەوانەی چاوەڕوانییەکانیان بێت ! هیچ نەبێت لێیانگەڕێن لە ئاوارەییدا گوێیان لە درۆ نەبێت !

 

ئەو بابەتە لیژنەی ناوێت و پێویستی بە ڕاپۆرتی ئێوە نیە، برین و قەیرانەکە لەناوخۆیە، لە زۆریی دز و زەبەلاحیی گەندەڵیی و ستەمکارییدایە !

 

ئێوە بە نەهێشتنی گەندەڵیی و گێڕانەوەی سامانی گشتیی بۆ خەڵک و بڕینی دەستی حزب و کۆمپانیاکانتان لە قوڕگ و قوتی خەڵک، هیوایەک بگێڕنەوە، خەڵک خۆی وابەستە دەبێت بە زێدی خۆیەوە و ڕێگەی کۆچ و ئاوارەیی هەڵنابژێرێت !