گه‌ڕان

Shadow Shadow
سیاسه‌تی

زانیاریی

ڕۆژنامەكانی ئێران: هەوڵی تیرۆركردنی كازمی سێ لێكەوتەی دەبێت

2021.11.08 - 21:01
App store icon Play store icon Play store icon
ڕۆژنامەكانی ئێران: هەوڵی تیرۆركردنی كازمی سێ لێكەوتەی دەبێت

ناس كورد-
ڕۆژنامەی ئارمانی میللی ئێرانی بڵاوی كردەوە، هەوڵی تیرۆركردنی کازمی دوو لێكەوتەی ڕاستەقینەی دەبێت لە چەند ڕۆژی داهاتوودا، ڕۆژنامەی شەرقیش دەڵێت "ئامانج لە هەوڵەكە ئێرانە".

کەناڵی ناس کورد لە تێلیگرام جۆین بکە   

 

ڕۆژنامەی ئارمانی میللی لە ژمارەی ئەمڕۆیدا (8ی تشرینی دووەمی 2021) بڵاوی كردەوە لە ئەنجامی هەوڵی تیرۆركردنی كازمی دوو پێشهات ڕوو دەدەن كە یەكەمیان داواكاریی كۆنترۆڵكردنی چەكی بەرەڵایە و وردە وردە ئەمە سەردەكێشێت بۆ حەشدی شەعبی، دووەمیش ئەگەری زۆرە دروستكردنی حكومەتێكی زۆرینەی لێ بكەوێتەوە كە ڕكابەرەكانی حەشد بەڕێوەی ببەن.


لە لایەكیترەوە رۆژنامەی شەرقی ئێرانی نووسیویەتی، ئامانج لە هەوڵی تیرۆركردنی كازمی تێوەگلاندنی ئێرانە لە رێگای جۆری فڕۆكەكە و دواتریش تۆمەتباركردنی حەشدی شەعبییە.

 

زانیاریی زیاتر: ڕۆیتەرز دەڵێت تاران ئاگاداری پلانی كوشتنی كازمی بووە  

 

ئاژانسی ڕۆیتەرز ڕایگەیاند، ئێران ئاگاداری پلانی تیرۆرکردنی مستەفا کازمی، سەرۆکوەزیرانی عێراق بووە بەڵام "فەرمانی بە جێبەجێکردنی نەکردووە."  

  

ئاژانسەکە لە ڕاپۆرتێکدا لەبارەى بکەر و چۆنیەتی پلانی تیرۆرکردنەکە ڕاپۆرتێکی بڵاوکردووەتەوە کە "ناس کورد" بینیویەتی (8ی تشرینی دووەمی 2021) و لە زاری دوو سەرچاوەی هەرێمییەوە دەڵێت، "تاران ئاگاداری هێرشەکە بووە پێش ئەوەی ئەنجام بدرێت، بەڵام بەرپرسانی ئێرانی فەرمانیان نەداوە."