گه‌ڕان

Shadow Shadow
سیاسه‌تی

نوێ

وەزارەتی ڕۆشنبیری بۆ هەڵکەوت زاهیر: ڤیدیۆکلیپەکەتان بسڕنەوە

2021.11.08 - 13:42
App store icon Play store icon Play store icon
وەزارەتی ڕۆشنبیری بۆ هەڵکەوت زاهیر: ڤیدیۆکلیپەکەتان بسڕنەوە

ناس کورد- 

وەزارەتی ڕۆشنبیری حکومەتی هەرێم بە نوسراوێکی فەرمی داوای کردووە، پێویستە ڤیدیۆ کلیپی (مەدرەسەی) ئاواز دانەر، هەڵکەوت زاهیر بسڕێتەوە، بەپێچەوانەوە خۆیان دەیسڕنەوە، ئەوەش بەهۆی وێنەیەکی نەرێنی مامۆستا و پڕۆسەی خوێندن دەخاتە بەر دیدی بینەران. 

کەناڵی ناس کورد لە تێلیگرام جۆین بکە   

 

لە نوسراوێکی شێروان خورشید، بەڕێوەبەری گشتیی ڕاگەیاندن و چاپ و بڵاوکردنەوە لە وەزارەتی ڕۆشنبیری کە ئەمڕۆ (دووشەممە 8ی تشرینی دووەمی 2021) دەرچووە، تیایدا هاتووە، "ئاماژە بە نوسراوی وەزارەتی پەروەردە، نوسینگەی وەزیر، لە ٢٦ی تشرینی یەکەمی ٢٠٢١ ڤیدیۆکلیپێک بەناوی (مەدرەسە) بڵاوکراوەتەوە کە کۆمەڵە کەسێک لە نێو هۆڵێکی خوێندن گۆرانی دەڵێن و ناوەڕۆکەکەی وێنەیەکی نەرێنی لەبارەی پڕۆسەی خوێندنەوە  نیشان دەدات، هەروەها بەشێوەیەکی نەشیاو باس وێنەی مامۆستا دەکات، کە ئەمەش دوورە لە واقعی قوتابخانە و هۆڵەکانی خوێندن." 

 

ئاماژەی بەوەشکردووە، " ئەوەش پێچەوانەی مادەی سێیەم، لە بڕگەی سێیەم لە ڕێنوێنی ژمارە یەکی ساڵی ٢٠١٤ی وەزارەتی ڕۆشنبیری و لاوان تایبەت بە ڕێکخستنی فریکوێنسی سپەیس لە هەرێمی کوردستان".

 

لە نوسراوەکەدا هاتووە، "بۆیە گشت میدیا بینراو بیسراوەکان ئاگادار دەکەینەوە خۆیان لە پەخشکردنی ئەو کلیپە بەدوور بگرن".  

 

ئاماژەی بەوەشکردووە، "هەروەها داوا لە خاوەنی بیرۆکەکە و هەموو گۆرانیبێژانی بەشدار دەکەین لەسۆشیال میدیای خۆیان بەتەواوی بیسڕنەوە، بەپێچەوانەوە ناچار دەبین بیسڕینەوە".

 

لە نوسراوەکەدا ئەوەش هاتووە، "لەماوەی ڕابردوودا کاری لەم شێوازە کراون، هەربۆیە پێویستە میدیاکان ئاگادار بن لە بڵاو نەکردنەوەی ئەم جۆرە کلیپانە، بەهیچ شێوەیەک نابێت مامۆستا و پڕۆسەی خوێندن و قوتابخانە  لەو ئاستە نمایشە بکرێت".



me_ga.php?id=4721