گه‌ڕان

Shadow Shadow
سیاسه‌تی

فەرمى

شوێنى فڕینى درۆنە هێرشبەرەکانى سەر ماڵى کازمى ئاشکراکرا

2021.11.07 - 23:42
App store icon Play store icon Play store icon
شوێنى فڕینى درۆنە هێرشبەرەکانى سەر ماڵى کازمى ئاشکراکرا

ناس کورد-

 

وەزارەتى ناوخۆى عێراق ئاشکرایکرد، فڕۆکە بێفڕۆکەوانە هێرشبەرەکانى سەر ماڵى مستەفا کازمى لەناوچەکانى باکورى رۆژهەڵاتى بەغداوە فڕیون و هێرشەکەیان ئەنجامداوە.

کەناڵی ناس کورد لە تێلیگرام جۆین بکە   

 

لیوا سەعد مەعن بەڕێوەبەرى راگەیاندن و پەیوەندییەکانى وەزارەتى ناوخۆ (7 تشرينى دووەمى2021) لە چاوپێکەوتنێکى تەلەفزیۆنیدا ئاماژەى بەوەکرد، بەهۆى هێرشەکەوە حەوت کەس برینداربوون و راستەوخۆ دەست بەلێکۆڵینەوە کراوە و زانیارییەکان کۆکراونەتەوە.

 

وتیشى "فڕۆکەکان لەناوچەکانى باکورى رۆژهەڵاتى بەغداوە فڕیون، ماوەى 10 بۆ 20 کیلۆمەتریان بڕیوە و هێرشەکەیان ئەنجامداوە".

 

هاوکات بەپێی بەرنامەی "لعبة الكراسي" لە کەناڵی شەرقیەی عێراقی، وڵاتانی ڕۆژئاوا هاوکارن لە کەیسی لێکۆلێنەوە لە هێرشی سەر ماڵی کازمی و لە ڕێگەی مانگە دەستکردەکانەوە وێنەی شوێنی فڕینەکەیان گرتووە و رادەستی بازنەیەکی بەرتەسکی فەرماندە ئەمنییەکانیان کردووە.

 

کازمى (7 تشرينى دووەمى2021) لەکۆبوونەوەى ئەنجومەنى وەزیراندا وتى "شەوى رابردوو ماڵەکەم روبەڕووى هێرش بووەوە لەرێگەى فڕۆکەى بێفڕۆکەوانەوە بەشێوەى ڕاستەوخۆ، ئەوەش کارێکى ترسنۆکانە بووە، گوزارشت نەبووە لە عێراقییەکان".

 

وتیشى "وڵاتەکەمان بەچەندین ئاڵنگارییدا تێدەپەڕێت کە ئەم حکومەتە بەرهەمى نەهێناون، توانیاکان قەیرانە ئابوریی و تەندروستییەکان چارەسەر بکەین و داڕوخانى نرخى نەوت رابگرین، لەگەڵ سیاسەتە هەڵەکانى حکومەتەکانى پێشوو".

 

کازمى باسى لەوەشکرد، سەرکەوتوو بوون لەوەڵامدانەوەى داواکارى گەل و مەرجەعیەت و خۆپیشاندەران بەئەنجامدانى هەڵبژاردنى پێشوەختە و هەموو داواکارییەکانى کۆمسیۆنیان جێبەجێکردووە.

 

ئەوەشى خستووەتەڕوو، ئەنجامى هەڵبژاردن و تانە و سکاڵاکان لەتایبەتمەندى دەسەڵاتەکانى حکومەت نییە، بەڵکو ئەرکى ئەوان دابینکردنى کاروبارى دارایی و ئەمنى بووە بۆ هەڵبژاردن.

 

کازمى دەشڵێت، فەرمانیکردووە بە لێکۆڵینەوەى بەپەلە لەرووداوەکانى بەردەم ناوچەى سەوز. "تاوانبارانى هێرشەکەى بەرەبەیانى ئەمڕۆش باش دەناسین و ئاشکرایان دەکەین".